"مابين العشق والقدر" بقلمي هند صقر (مكتملة)

الفصل الثاني والعشرون

-أنت أكيد بتهزر
هتفت بها فاطمة بصدمة

اردف أمجد باعتراض:ي
-امامااا أنا قولت لحضرتك أني بحبها وشايف أنها الانسانة الاصلح ليا وبعدين أنتي شايفاها وافقت

صرخت فيه بامتعاض :
-حب ايه اللي بتتكلم عنه ده أنت شوفتها كام مرة ولا أتعرفت عليها اذاي .... حب من أنهي أتجاه ده

هتفت حياة وهي تتطالعهم بزهول:
-في ايه ياجماعة بتتخنوقوا وصوتكم عالي كده ليه

التفتت لها فاطمة وهي تصيح بضجر :
-تعالي ياحياة تعالي شوفي أخوكي بيقول ايه

نظرت حياة لامجد وهي تهتف باستغراب:
-في ايه يا أمجد مزعل ماما ليه

صاح أمجد بضيق :
-ماما زهقانة أني عايز أتجوز

هدرت به فاطمة بحدة:
-أحترمك نفسك يا ولد أنت عارف كويس أنه يوم المني بالنسبالي... بس المشكلة في اللي عايز يتجوزها

صاحت حور باهتمام:
-مين دي ياماما

نظرت اليها فاطمة وهي تقول بامتعاض :
-نجلاء صحبتك يا هانم

اتسعت عيني حور وهي تردد بصدمة :
-نجلااااء

بينما تابعت فاطمة باستهجان:
-اذاي عايزني أوافق علي أنك تربط حياتك بواحدة مطلقة وأنت لسه مدخلتش دنيا

هدر بصلابة:
-يا ماما أرجوكي متكبريش الموضوع دي مش مشكلة كبيرة أوي للدرجة دي

نظرت اليه وهي تقول بتصحيح:
-لاء قولها قولها يا أمجد قول أني مش من حقي أعترض ولا أدخل في حياتك... يلا قولها واوجعني أكتر... قول أني خالتك مش أمك.....

أقترب منها وهو يطالعها بأعين يملأها الوجع ليردف بألم:
-أنتي ايه اللي بتقوليه ده يا أمي.... ده أنا مانطقتش الكلمة دي غير ليكي، مقولتش ماما غير ليكي أنتي وبس.... من وأنا عندي خمس شهور لدلوقتي معرفش أم غيرك... ومبتمناش من الدنيا دي كلها غير رضاكي عليا وكل همي اني أفرحك.... لكن أنتي متخيلة أني قصدي أجرحك وأنتي اللي بتجرحيني ولاول مرة في حياتي بتحسسيني أني يتيم وأن أمي وأبويا ماتوا النهاردة......

قال جملته الاخيرة وهو ينظر اليها نظرات أصابتها في مقتل قبل أن يتحرك من أمامها بسرعة الصاروخ لينطلق الي الخارج غالقا الباب خلفه بقوة

لتهدر حياة بعدها بحزن ودموعها تجري علي وجهها كالشلال :
-ليه عملتي كده يا ماما.... ليييه

ارتمت فاطمة جالسة علي الكرسي خلفها لتهدر بانكسار:
-ما كانش قصدي أنا كل همي خايفة عليه وعلي مصلحته... لاني عارفة أنها هتبقي علاقة فاشلة ومش هتكمل... بعمل كده لمصلحته ولمصلحتها بس ما كانش قصدي أقول كده... لو الدنيا كلها أجتمعت وقالت انه مش ابني فهما كدابين أمجد ابن روحي وحياتي