وجدته يجلس علي الاريكة باريحة تامة مغمض العينين فاقتربت منه بهدوء لترتمي بجسدها بجواره...
فتح عينه ببطء ليطالعها بصمت بدون ان يتحرك قيد أنملة بينما ارتخت بجسدها اكثر علي الاريكة لتزفر بتعب قبل أن تردف بحماس وهي تدور بعينيها في ارجاء المكان :
-يااااه انا مش مصدقة ان اخيرا بعد عشرين يوم تعب متواصل بكرة واخييييرا هنفتتح الاتيله
التوي ثغره بابتسامة صغيره بعدما القي هو الاخر نظرة سريعة علي المكان قبل ان يلتفت بجسده ليكون في مواجهتها تماما ليردف بعدها وهو يمط شفتيه بتقرير :
-من حيث التعب فهي فعلا كانت 20 يوم بس عشرين يوم اشغال شقة مؤبدة
ضحكت بقوة رغم التعب البادي علي قسيمات وجهها بشكل واضح ثم استكانت لتتابع بهدوء :
-الشغل شغل... وبعدين مش انت اللي اصريت ان الافتاح يبقي بدري كدا....
هز رأسه بخنوع بينما استأنفت هي بابتسامة واسعة :
-بس تصدق اقتراحك بتاع صفحة الفيس ده رهيب انا جالي زباين من قبل الافتتاح
حدجها بنظرة متعالية وقد التوي ثغره بابتسامة ساخرة :
-حبيبتي انتي بتتكلمي مع دكتوراه في ادارة الاعمال مش بياع بطاطا
رفعت حاجبها لتطالعه بتفحص لثواني ثم اعتدلت بعدها واقفة وهي تردف بانهاك :
-طب يلا يا حضرة الدكتور.... لاني فاصلة بجد هموت وأنام
تحركت هي ببطء من امامه فتابع حركتها قبل ان يغمض عينيه بعدما اعتدل متخذا وضعيته الاولي
-أاااااانت هتنااااااام......
فتح عينه بفزع ليضع اصباعه السبابه في اذنيه محاولا تدارك صراخها الهادر لينتصب واقفا ثم تحرك نحوها قائلا بنفي :
-لاء هنام مين.... ده انا وراكي من ساعة
زفرت بضجر لتتحرك امامه ليتبعها ... واضعا يده علي فمه وهو يتثأب بنعاس وتعب واضح
............................
-ايه يابنتي كلمتك كذا مرة بترديش ليه
عدلت حور من وضع الهاتف علي اذنيها لتقول بعدها بهدوء :
-معلش بقي طول اليوم كنت في الاتيليه مع حياة
هزت رأسها بتفهم لتقول بهدوء :
-تمام المهم كله تمام
أجابتها بابتسامة مرهقة :
-اه تمام الحمد لله.... المهم بكرة مفيش محاضرات فمفيش حجة تجيبي نجلاء وتيجوا سوا والا....
-لاء لاء والا ايه.... هجيب نوجة وهاجي ان شاء الله
-ايوة كده خلاص تمام
سكتت قليلا ثم تابعت بتردد :
-صحيح... هو...احم انتوا عملتوا ايه في المحاضرات النهاردة
ابتسمت ايمان بخبث لتردف بعدها قائلة :
-اهو ده بقي مخصوص اللي خلاني اكلمك النهاردة... انما حصل حاجة محدش كان يتوقعها
أنت تقرأ
"مابين العشق والقدر" بقلمي هند صقر (مكتملة)
Humorحقا الحياة غريبة توصلنا الي دائرة مغلقة لاندرك أين كانت البداية ولا نستطيع الوصول الي ماهي النهاية نقابل أشخاص كثر نتعلق بالبعض وأغلبهم يذهبون ليتركوا لنا تجربة وذكريات أحيانا موجعة والاخري تكون مصدر أمل وقوة..... ولكن هل من الممكن أن ينصفنا القدر...
