"مابين العشق والقدر" بقلمي هند صقر (مكتملة)

الفصل الثاني عشر

أخذت تنظر الي شاشة هاتفها بين الحين والآخر وهي تزفر بملل ولكنها التفتت فجأة عندما وجدت يد توضع علي كتفها لتهتف باذدراء وهي تطالع الشخصين الممتثلين امامها:
- كل ده تأخير يا هوانم

حولت نظرها لاحدهما لتقول باستنكار:
-وهي دي النص ساعة بتاعتك يا ابلة ايمان

اردفت ايمان ببلاهة :
-ها...

عقدت حور ما بين حاجبيها لتقول باستهجان :
-هو ايه اللي ها.... مالك يابه

تدخلت نجلاء قائلة:
-اهي دي حالتها من ساعة ما جاتلي

ضيقت حور عينيها لتضيف باستفهام:
-هو في ايه بالضبط

اشاحت ايمان بيديها لتقول بضجر :
-لاء انتو هتعملوني شغلانة... انا كويسة و...

بتر باقي كليمتها لتهتف بانبهار:
-الله حلو الفستان ده أوي يا حوحو

ابتسمت حور بسعادة وهي تخفض نظرها لتنظر الي فستانها الموف الطويل فقد كان فستانا هادئا من اللون الموف السادة سوى من بعض الورود القليلة المضافة في اعلاه يضيق من اعلي وينحدر باتساع وأرتدت عليه طرحة منقوشة من نفس لو الفستان فذادته جمالا ... رفعت نظرها لتقول بابتسامة :
-بجد يعني حلو الفستان

هتفت ايمان باعجاب:
-تحفة يااابنتي....

ثم أضافت بعبوس:
-بس تصدقي انك معندكيش دم... بقي يعني تقوليلي أختك مشغولة ومخلتيهاش تعملي فستاني وتخليها تعملك فستان تحفة كده

اردفت حور بضجر :
-انتي هبلة يابه هضحك عليكي مثلا... الفستان ده عندي بقاله كتير.... ما انا قولتلك اني عندي كذا فستان حياة كانت مفصلهملي بس ملبستهمش غير في المناسبات وقولتلك تعالي لو عجبك حاجة خديها وانتي اللي صممتي تشتري جديد

مطت شفتيها لتجيبها بحرج :
-احم.. الله وانا اعرف منين اين انه حلو كده

ابتسمت حور لتردف بمرح:
-بس كده... اتفضليه ياستي مايغلاش عليكي

قطبت جبينها وهي تتابع باستغراب :
-الله صحيح مش انتي قولتي انك هتلبسي الفستان

نفخت بضيق لتقول بامتعاض :
-يادي ام الفستان اللي قرفني من الصبح خلاص ان كرهته وكرهت كل الفساتين اللي في الدنيا

قهقهت حور عاليا لتحول نظرها الي نجلاء وهي تسأل باستغراب :
-هو اللي الحكاية بالضبط

هزت نجلاء أكتافها لتردف بعدم فهم :
-والله.. علمي علمك

ضيقت حور عينيها لتنظر الي ايمان وهي تقول بمكر:
-ياخبر بفلوس...

اكملت نجلاء جملتها :
-بكرة يبقي ببلاش

اردفت ايمان بحنق وهي تطالعهم بغضب طفولي :
-علي فكرة انتو عيال رخمة... انا هروح اسلم علي طنط فاطمة حبيبتي احسن....