"مابين العشق والقدر" بقلمي هند صقر (مكتملة)

الفصل السادس

هدر بضجر :
-اخ منك من ومن طلباتك اللي مبتخلصش

رمشت بعينيها وهي تبتسم ببراءة فاحتضن راحة يديها ليجذبها خلفه وهو يقول باستسلام :
-تعالي يا اخر صبري اما اجبلك العروسة اللي خوتي دماغي عليها

تحركت خلفه وعلي وجهها علامات الرضا حتي توقفا سويا عند قسم الالعاب فتركت يده لتركض في أرجاء المحل بحثا عن مبتغاها فتنهد هو بتعب ليتحرك بخطوات متثاقلة خلفها

.............................

هتفت حياة باستفسار:
- أمال فين ادم ياماما

تركت فاطمة ما بيدها لتستدير تنظر اليها وهي تضع يديها علي صدرها بخضة :
-بسم الله الرحمن الرحيم.... انتي جيتي امتي يابنتي محستش بيكي

اجابتها حياة بايجاز :
-لسه جاية من شوية

تابعت وهي تتلفت بعينيها :
-بس فين ادم مش في الاوضة

فاستدارت فاطمة لتستكمل عملها في تقطيع الخضار وهي تقول بهدوء :
-متقلقيش أمجد خرج من بدري قال هيجيبوا من الحضانة وهيفسحوا شوية وهيجوا

تحركت حياة لتجلس بجوارها علي المقعد المجاور لها لتقول بتعجب:
-طب وهو أمجد مش لسه راجع من السفر لحق يعرف الاماكن اذاي... انا قلقانة وقلبي مش مطمن

رفعت فاطمة رأسها لتطالعها وهي تردف بنبرة مطمئنة :
-يابنتي متقلقيش أمجد مش صغير ده حافظ مصر كلها  أكتر منك انتي

عبست بوجهها لتقول بعدم أقتناع :
-مش عارفة بقي بس انا من الصبح وقلبي مش مرتاح  ورجعت بدري عشان كده....

اعتدلت واقفة وهي تتابع:
-انا هقوم اتصل عليه احسن

هزت فاطمة اكتافها لتقول باستسلام :
-اللي يريحك

..............................

-اااااه....سيب شعري
هتفت بها جودي بتألم

فهدر بها ادم بعناد  :
-لاء مش هسيبه غير لما تعتذري

اما هو فوقف لبرهة مثل الصنم ينظر اليهم بعدم فهم حتي اقترب ليفك شعرها من قبضة يده ليردف بعدها  باستفسار :
-في ايه..... انتي لحقتي يا جودي تتخانقي

اردفت الصغيرة ببراءة مصطنعة :
-انا معملتش حاجة هو اللي جه لوحده  وشد شعري

فغر ادم فاه بصدمة محاولا استيعاب حديثها ثم اردف  وهو يهز رأسه نافياً :
-لاء والله يا أونكل... هي اللي زقتني من غير ما اعملها حاجة وقعدت تضحك عليا ومرديتش كمان تعتذر

نظر يحي الي الصغير وقد شرد في ملامح وجهه فتفحصه بتركيز لفترة حتي توقفت أنظاره  علي عيناه ....يالهي ما هذا التشابه الغريب فهذا الصغير نسخة مصغرة منها قطع شروده يد جودي الصغيرة وهي تشد بأطراف قميصه فنظر اليها لبرهة ثم هتف أمرا :
-جودي اعتذري