"مابين العشق والقدر" بقلمي هند صقر (مكتملة)

الفصل السابع

هتفت بانزعاج وهي تتابع بعينيها تقدم حور نحوها:
-كل ده يا حور هنتأخر

حركت حور رأسها لتقول بلامبالاة وهما يتحركا سويا بتجاه الجامعة :
-متأخرناش ولا حاجة....و أهدي شوية...  احنا لسه في أول الترم وانتي بسم الله ما شاء الله عليكي وخداها جد اشمعنا يعني...دايما بتحضري وبتروحي المحاضرات بدري في معادها من امتي الانضباط ده... ها

ثم استأنفت باستفسار :
-ثم تعالي هنا وقوليلي مش كنتي بتروحي الكلية لوحدك بحجة اننا بنأخرك ايه اللي جد

نظرت اليها لتجيبها بضيق:
-هعمل ايه مضطرة

عقدت حور ما بين حاجبيها لتقول باستغراب :
-وليه بقي... ايه اللي غصبك يا مضطرة هانم

تنهدت لتجيبها بحنق وهي تمد شفتيها السفلي للامام  :
-بصراحة بقي في واحد غلس بقاله كام يوم كل ما أروح الكلية ألقيه ماشي ورايا وبيقعد يعاكس ويتكلم وأنا ابتديت أخاف

وقفت حور مكانها صامتة لثواني قبل أن تردف بتفهم:
-امممم...وأنا اللي بقول ايه اللي حصل افتكرت فيوذاتك رجعت اتظبطت تاني وسبتي دور الاجتهاد اللي مش لايق عليكي

وكزتها في كتفها لتقول بعتاب:
-بدل ماتشوفيلي حل بتتريقي حضرتك

هزت أكتافها لتصيح بضجر وهو تتابع سيرها :
-وأنا أعملك ايه

صمتت لبرهة ثم تابعت بابتسامة لعوب:
-أقولك يابه قولي لجمس بوند ابن عمك وهو هيظبطه

برقت عينيها لتقول بامتعاض واضح:
-بتهزري.... عايزاني اروح اقول لسليم علي موضوع ذي ده....ده انا بخاف أقوله صباح الخير

قهقهت حور لتقول بمرح وهي تسرع من خطواتها :
-وماله جربي علي الاقل هضمن اني ارتاح منك لشهر شهرين ثلاثة واهو استجمام بردوا

لحقت بها ايمان ووكزتها بغل في ظهرها وهي تقول من بين اسنانها:
-امشي يا حور واظبطي كلامك  احسنلك بدل ما هطلع كل اللي عمله فيا عليكي

استمر الحوار بينهم حتي  غمغمت ايمان بخفوت :
-حور الحقيني الواد اياه اللي حكتلك عنه ماشي ورانا دلوقتي

توقفت حور مكانها لتقول بشراسة:
-بجد فين شوريلي عليه

جذبتها ايمان من ذراعها لتقول بقلق:
-لاء امشي دلوقتي مش عايزين مشاكل

هدرت بها حور بغضب جم :
-قوتلك شوريلي عليه

الجمها غضب حور المفاجئ فاجابت باستلام:
-هو اللي ماشي ورانا و لابس تيشرت اخضر

حررت حور يديها من كف صديقتها لتستدير بجسدها وهي تبحث بعينيها عن صاحب التيشرت الاخضر ذاك.... تحركت بخطوات سريعة عندما لمحت عينيها الشخص المطلوب لتتجه نحوه وعينيها تطلق شررا حتي وقفت قبالته لتمنع تقدم سيره