"مابين العشق والقدر" بقلمي هند صقر (مكتملة)

الفصل العاشر

بعد يومين في كلية الالسن

-عندي خبر ليكم أنما ايه علي الفرازة
هتفت ايمان بحماس وهي تغمز لحور بطرف عينيها

حملقت بها حور وهي تقول بتوجس:
-قصدك ايه ابت انتي... مش مطمنالك

رفعت رأسها لاعلي وتنحنحت وهي تمد كف يديها نحوها قائلة بخبث:
-تدفعي كام

ضربت كفها الممدود وهي تقول بضجر :
-اخلصي يا زفتة وانطقي أحسنلك

اجابتها بابتسامة سمجة وبمنتهي البراءة:
-دكتور سيف

انصات اليه باهتمام عند ذكر اسمه لتمط شفتيها قائلة بامتعاض :
-ماله الوحش افندي القتم

قهقهت ايمان من لفظها الذي تنعته بيه ثم اردفت بصوت خفيض وهي تطالعها بترقب:
-هيدينا مادة تانية

-نعمممم
صرخت بها حور بعدم تصديق وقد تشنجت قسيمات وجهها من هذا الخبر المزعج بالنسبة لها بالتأكيد

فأومأت ايمان برأسها مؤكدة ليشحب وجه حور ثم ما لبثت ان رفعت نظرها اليها لترمقها بنظرة متحجرة وهي تقول بضيق :
-اه يا وجه البومة باخبارك اللي زيك

هزت أكتافها لتردف بجمود وهي تمط شفتيها بلامبالاة :
-طب وأنا مالي مش ببلغك باللي بيوصلني أنا الغلطانة يعني

اجابتها وقد تقوس فمها بتهكم :
-لاء عيب... ياحبيبتي هو أنتي مش عارفة أنك ملاك وناقصلك جناحين وتطيري

رفعت ايمان حاجبيها وهي ترمقها بنظرة مغتاظة بينما
اردفت نجلاء بتساؤل وهي توجه حديثها لايمان :
-هيدينا مادة ايه يا ايمي

حركت ايمان كتفيها قائلة :
-مش عارفة والله ده اللي وصلني

وكزتها حور في ظهرها وهي تقول بضيق:
-طب انجري قدامي خلينا نلحق المحاضرة

تآوهت لتلتفت بوجهها تنظر اليها بعبوس وهي تقول باستهجان :
-طاااه براحة

............................

جلست بجواره علي الاريكة لتطالعه وهي تقول باهتمام :
-ها يا سيدي موضوع ايه اللي عايزني فيه

نظر اليها لبرهة قبل أن ينطق بهدوء :
-أنا قررت أشاركك في مشروعك

عقدت ما بين حاجبيها لتهز رأسها قائلة بعدم فهم:
-مشروع ايه؟!

نظر هو اليها ليقول بابتسامة :
-مشروع الاتيليه ومشغل التصميم

رمشت بعينيها وهي تطالعه باستغراب قائلة :
-أنت عرفت من أين؟!

تابع حدثه بحماس :
-مش مهم عرفت من أين... الاهم اني لقيت المكان المناسب واتفقت مع صاحبه كمان

صمتت لثواني وهي تدير كلامه في عقلها ثم ما لبثت أن صاحت فاتحة عينيها علي وسعهما وهي تطالعه ببلاهة :
-نعمممم