أوهام واقعية

البارت 1

شبكة...عنكبوتية مليئة بالاوهام يذهب فيها
الكثير من ضحايا البشرلذئاب مفترسة...!؟
واقع مر..!! في ارضنا من احبب بصدق و وفاء
واجه العديد من الصعوبات... فراق..الم..بكاء
يوجد على ارضنا الكثير من الوحوش بهيئه بشر!!
على ارضنا انعدمت الرحمه لدى بعض البشر...
ولــكن وسـط كل هذه الاشياء يوجد...أمل;لكل شخص قد ظلمته الدنيا...لكل شخص
قد مر بظروف يوجد نافذه أمل...لان الله لا يخيب
ظن من تأمل به... •• أشياءُ تطاردُها
وأخرى تُمسِكُ بأطرافِ ذاكرتِك
أشياءُ تُلقي عليكَ السلام......
وأخرى تُديرُ لك ظهْرَها.....
أشياءُ تَوَدُّ لو قتلْتَها.....
لكنّك كلّما صادفْتَها.....
أرْدَتْكَ قتيلاً......   #أوهام_واقعية

#أوهام_واقعية

🌸🌸🌸🌸بقلمي رزان باسم🌸🌸🌸🌸

البارت _1

_يوم...جديد!!

ريم...يلاااااا تأخرنا ولجن بسرعةةةة

بنين...مخلصه من زمان...بس منتظره البقيه

ندى....اجيت وين ماما ؟

رقيه....واخيرا خلصت خو ما تاخرت عليجن

ام ريم....وجع انشالله تأخرنا هسه ابوج
يبطل ياخذنا امشن...

ابو ريم...ليش هيج ورايه شغل.. يلااا بسرعه
خلي اوصلجن...

ريم....اجينا بابا....صعدنا مشينا واني الطريق
كوله اباوع على الشارع وفاتحه الجامه مال
السياره استنشق الهوة...رحنا على بيت
خالتي...والي هي الخاله الوحيده...يعني ما عندي خوال بس خاله وحده

طبعا...احنا عائله بسيطه...امورنا ماشيه
الحمد لله...اني الجبيره بالعائله اسمي ريم
وبنين اصغر مني تجي وراها رقيه وبعدها ندى
اخر العنقود والمدللة....امي ما صار عدها ولد

بس احنا بابا كولش يحبنا ومدللنا...هواي ناس
يعيرونه بالولد بس هو دائما يكللهم عندي
بناتي تسون الولد...بعدين تعرفون تفاصيل
اكثر...

ابو ريم....يلا نزلن وصلنا بسرعه مو عندي شغل...

ريم....اول منزلنا تلكتنا خالتي وفرحانه
بينا...سلمنا عليها ودخلنا...خالتي عدها
ولد اثنين وبنيه...الجبير اسمه وسام و الاصغر منه اسمه علي والبنيه بكبر ندى اسمها زهراء..

ريم...دخلنا ورحنا كبل للمطبخ نجهز الاكل..
ويه خالتي اني والبنات وكل اشويه الولد...

جايين..لو يخبثون علينا لو يكعدون ياكلون
واحنا نجهز الاكل..جان اليوم حلو من خلصنا
تجهيز الاكل..صحناهم يجون كعدنا ناكل. .

ام ريم...اي وسام ايمتا ناوي تتزوج انشالله

وسام....بعدني خاله ممفكر بالزواج اريد اخلص
. الكليه يلا اتزوج