أوهام واقعية

البارت 7

#أوهام_واقعية

البارت _7

🌸🌸🌸🌸رزان باسم🌸🌸🌸🌸🌸

ريم...بعد ما شفت عمامي شلون يحجون
ويردوني اتزوج غصب .. عناد بأمي  وخصوصا
لان دخلت كلية اهلية وطب اسنان .. هم من
قبل يكرهون احنا نكون ناجحات بكولشي ..

واصلا هم متعمدين جايين بوقت الدراسة
علمود يخلوني اترك الدراسة .. قررت لازم
ما اضعف .. اذا يردوني لازم اخلص الكلية
يلا ... احجي بداخلي

ام ريم...يمه شبيج صافنه ريومه ..

ريم...هاا يمه لا ماكو شي بس اجت ابالي فكرة

ام ريم...شنو من فكرة كولي ... ؟

ريم...اخلص الكلية يلا اتزوج سامر واذا ما
قبلوا مستحيل اصير الهم لو اعرف نفسي
انتحر ولا اخلي سامر يلمسني ...

ام ريم...لج يمه اني ما اريدج تصيرين يمهم
انتي مو تعرفين شيسون بالجنه لا وانوب
بنتي ...

ريم...معليج يمه بس يجي بابا احنا نكلة واني
متاكدة حيقبلون ومنا لذاك الوقت يجوز تجي
قسمه زينه واتزوج لو يملون ويتركوني ...

ام ريم....والله ما ادري الله كريم حبيبتي ..

ريم...اني حروح لغرفتي .. واني داخلة جان
تطلع كدامي بنين بس جان وجهه اصفر
شبيج لون وجهج اصفر شبيج ؟

بنين...أ أأ.. ماكو شي

ريم...كالت هيج وراحت ركض .. ما اعرف شبيها اي طبها مرض .. رحت لغرفتي تمددت
واني عقلي مشوش ما حسيت على نفسي من
نمت ...

”””””””””””””””””””””””””

زيد...من نجحت من السادس طلع معدلي عالي
دخلت كلية طب الأسنان اهلية .. جان اول
يوم تعارف وكذا شي حلو بعدها بلش الدوام
اني بطبعي الشي الي يتعلق بالدراسة ما اهمله

يعني عندي الدراسة تمشي بدمي  جنت حيل
متفوق ومعلية بالبنات ابدا مع العلم هواي اجن
يردن صداقه وكذا .. بس جنت اعاملهن مثل
الخوات ...

حتى الاساتذة والدكاترة يحبوني بالنسبة الي
شخصيتي حلوة جسمي رياضي طويل 
ملامحي عادية حالي حال اي شاب بس اني
ارتب نفسي ..

مرن علية هواي بنات بس مثل هاي لا مستحيل
على الثكل والنزاكه .. وهي الوحيدة لبسها
محتشم حلو حتى شكلها حلو شفتها ابدا ما تحجي ويه اي شخص حتى صديقات ما عدها

مرت الايام واني اشوفها دتتفوق حطيتها ابالي
لان اني ما احب احد ينافسني بالدراسة دائما
احب اصير المتفوق الوحيد بس هاي اذا تبقى
هيج حتصير احسن مني .. واني ما اقبل بهذا
الشي ...

بيوم كاعدين اجه ممثل الشعبة مالتنا صاح
الاسامي مالتنا انتبهت على اسمها الثلاثي
جان اسم جدها نفس اسم جد سامر  ممعقولة
تطلع بنت عمه.. لازم اتاكد من اسمها الرباعي