أوهام واقعية

البارت 13

#أوهام_واقعية

البارت _13

🌸🌸🌸🌸🌸رزان باسم🌸🌸🌸🌸

ام احمد... اي مبين عليج عيوني متعبر علية
لذا احترمي نفسج علمود لا افضحج كدام
ام كرم..

سناء....شنو هالورطة ... التفتت جان
اشوف وراية...

هناء...صحيح الي سمعته سناء ؟

سناء...هاااا ارتبكت لا مو صحيح لان اني
بالبداية كلتلها لان جنت ما اعرفها بس ردت
اخلص من اسألتها كلتلها مطلقه بس اني
الحقيقه متزوجه ..احجي وتعابير وجهها مبينه
ممصدكه ..

هناء...هاا عبالي مطلقه يلا كملن شغلجن

سناء...مشت رجعت على عجوز البين شنو
انتي متستحين تحجين هيج يعني اني اذا
انطرد وين اروح بله .. خافي ربج اشوية

ام احمد...هاي حقيقه وما تكدرين تنكريها
ويجي يوم وحيعرفون لوحدهم واحتمال
تصير مشاكل ...

سناء...انتي بس لا تتدخلين ومراح يصير اي
شي بقيت انظف واني افكر بكلام ام احمد
مر اليوم عادي

هناء...لازم اعرف اذا صدوك متزوجه لو لا
ام احمد ام احمددددد وينج ..

سناء...جانت ام احمد تشتغل وصاحتها
ام كرم وراحت اني بقيت اشتغل

هناء...ام احمد وينج تعالي اريد منج شغلة

ام احمد...كولي ام كرم عيوني الج

هناء...تعرفين طبيعة شغلنا بالليل ؟

ام احمد...اي اكيد

هناء...اريدج تتاكدين اذا جانت سناء مطلقه
لو متزوجه والج عندي خوش هدية

ام احمد...من عيوني بس صدكيني هي
مطلقه  حتى من رحت على بيتها ما لكيت
زوجها وهي كالت معوق من سالتها كلتلي
اخذه اخوة للدكتور علساس بس ابدا معبرت
علية لان ارتبكت

هناء...اني اريد الصحيح لان اليوم لاحظت
ارتباكها بس اريد الجواب الاكيد بأسرع وقت

ام احمد...تأمرين ... اي واخيرا راح اخلص منج
سناء ..

هناء....سناء تعاي

سناء...اجت ام احمد ورجعت صاحتني
رحت عليها تفضلي ام كرم  ...

هناء...تعرفين بية شكد احبج واعزج كولش

سناء...اي اعرف

هناء...عندي فساتين مال بنات خواتي
ميردنهن حرامات اذبهن كلت اشوفهن على
جسمج واذا على قياس جسمج اخذيهن

سناء...لا شكرا ما اريد ما احب اخذ ملابس
من غيري اسفه 

هناء...هيج ترديني مع الاسف عليج اني لان
اعزج

سناء...كامت تبجي عزة شكد فشلة رحت
عليها بستها اسفه ام كرم مو قصدي يلا
راح اخذهن