#أوهام_واقعية
البارت_15
🌸🌸🌸🌸رزان باسم🌸🌸🌸🌸🌸
سناء....بقيت افكر لحد ما دخت ونمت ما اعرف
شكد بقيت نايمة .. ما حسيت غير الصبح
اطفالي يردون ريوك .. كمت داسوي ريوك
جان اسمع صوت طكة بالحديقة الورانية
جان تقريبا الساعه 7 الناس بعدها مو كلها
تكعد .. عبالي بزونه بعدين صارت طكة
قوية خلتني اجفل من الخوف .. رحت
امشي على اطراف اصابعي وقفلت الباب
رجعت لزمت السكينه وكعدت يم شباك
المطبخ .. رفعت راسي وجان اشوف الصدمة
عزة هذا كرم شجابة هنا ومنين عرف بيتي
يبووو يربي ليش هيج حظي بالدنيا بعدين
فكرت اكيد عجوز البين دلته والله اذا
دخل لو حاول يدخل موته يصير على
ايدي .. بقيت اراقب بدون ميحس
شفته شلون يحاول يدخل للبيت اني
قافلة كل الابواب مال البيت ميكدر يدخل
واني مطمئنة جان اسمع صوت قفل الباب
ينفتح اني اخذت السجينه و سويتها شبختين
من المطبخ لغرفه اطفالي وقفلت باب الغرفه
واسمع صوت مشي. بالصالة احس دكات
كلبي وصلت للشارع من الخوف والعرك
يصب يارب استرنا يارب جان يحاول يفتح
بالباب مال الغرفة مالتنا اني والاطفال
كمت اقرة آيات يمكن ختمت القرأن حاول
يفتح الباب بس ما انفتح يمكن صارت الساعه
9 فتحت الباب وامشي على اطراف اصابيعي
دورت بالبيت كولة ما خليت ولا مكان
بالبيت ولا زوية ما دورت بيها بس ماكو
الحمد لله لان الساعه من 8 وليورة الناس
تكوم لاشغالها .. اني رحت سويت الريوك
وكعدت الاطفال علمود يتريكون ونروح
لبيت خالتي ام محمد صارلي زمان ما رحت
عليها مشتاقتلها كولش .. خلصوا نظفت
البيت وغيرت ملابسي وملابس الاطفال
ورحت لبيت خالتي ام محمد قفلت غرفتي
لان بيها الفلوس وصلنا لبيتها ادك بالباب ماكو
رد بقيت ادك جان تطلعلي زوجه محمد
سناء...السلام عليكم طبعا هي متعرفني
بس اني اعرفها لان خالتي دائما تسولفلي عليها
بنية حبابة وخلوقه بالاضافه الى ان اولاد خالتي ام محمد كلهم متزوجين وعازلين يعني
بس هي و حفيدتها بنت بنتها يمها تطلع عمرها
15 سنه تخدم خالتي.
ريام...وعليكم السلام تفضلي اختي
سناء...خالتي ام محمد وين موجودة ؟
ريام...عمتي تخربطت وصارلها 3 ايام
بالمستشفى وحالتها حالة لو تموت لو تعيش
سناء...دكيت على صدري عزة خالتي 3 ايام
واني ما اعرف عنها سودة علية خالتي زين
شبيها ...
ريام...والله يا خيتي فجأه صارت عندها
جلطة دماغية وانتي تعرفين هي جبيرة
بالعمر ومريضه عدها سكر وضغط
أنت تقرأ
أوهام واقعية
Roman d'amourشبكة...عنكبوتية مليئة بالاوهام يذهب فيها الكثير من ضحايا البشرلذئاب مفترسة...!؟ واقع مر..!! في ارضنا من احبب بصدق و وفاء واجه العديد من الصعوبات... فراق..الم..بكاء يوجد على ارضنا الكثير من الوحوش بهيئه بشر!! على ارضنا انعدمت الرحمه لدى بعض البشر...
