أوهام واقعية

البارت 19

#أوهام_واقعية

البارت_19

🌸🌸🌸🌸🌸رزان باسم🌸🌸🌸🌸🌸

زيد...عقدت حاجبي لان كلامها معحبني
هييييي انتي شبيج يعجبني اطلع ويه
اي بنية انتي شكو .. اني تعمدت اغيضها

ريم...لا تكول هييي عندي اسم وخليك
ويه حبيبتك الجديده ولا تستشرف براسي
مرة ثانية .. صيحت علية ومشيت والدموع
تجمعت بعيوني كمت ما اشوف امشي سريع
ما احس غير انطخيت بواحد رفعت راسي
جان اشوف ..

سامر...هاي شبيها الحلوة مالتي ؟

ريم...خير شتسوي جاي هنا ؟

سامر...اشوف خطيبتي الحلوة

ريم...باوعت بطرف عيني على زيد شفته
واكف وعاقد حاجبة وصافن علية بودة
يذبح سامر ويخلص منه .. بسيطه حجيت
بداخلي ..ضحكت ضحكه مصطنعه كلتله
اوك امشي خلي نروح للكفتريا

سامر...اوك امشي ...

ريم...رحنا كعدنا بالكفتريا جان يلحكنا زيد
هو وهاي البنية كعدو كبالي ..

سامر...الظاهر بلشتي تحبيني

ريم...خطية مصدك حجيت بداخلي .. تريد
الصراحه مو ؟

سامر...اكيد

ريم...اني اكرهك لدرجه متتوقعها بس
اجه على عبالي اعزمك هيج

سامر...هه شنو انتي كل عقلج تعبر علية
كلاوتج هاي شوفي اعرف بيج تعاركتي
ويه حبيب الكلب زيد ومن شفتيني جلبتي
بية علمود تغيضينا مثل مسوه بيج ..لذا
هي كلمه وحده وحطيه ترچية بأذنج لا تحلمين
تصيرين لزيد افتهمتي ..

ريم...تفاجات من كلامه اذا جان مراقبني
لعد مدام تعرف ليش تسالني اذا حبيتك
او لا ؟

سامر...ردت اشوفج صريحه لو تكذبين
بس ما شالله طلعتي وقحه .. شوفي خلي
اكلج شغلة على زيد هو صديقي من زمان
واحد ساقط ويطلع ويه بنات ويراسل بنات
و شكد ضاحك على بنات المجموعه مالتنا
كولها تعرف بي ساقط حتى اسقط مني
احجيها هيج مو هيج واني ابن عمج اخاف
عليج منه ومن اي احد لذا ابتعدي عنه
احسن ما تشوفين شي مني بحياتج مشايفتة
والله اخليهم يبطلونج من الكلية واتزوجج
اليوم قبل باجر ... خلينا على اتفاقنا من
تخلصين الكلية .. ترة وحق الله اطلع عليج
سالفه اخلي حتى ابوج يصدك لذا احترمي
نفسج وعيب هاي السوالف انتي جاية
تدرسين مو تتمعشقين اوك ...

ريم...يحجي واني مبتسمه بأستهزاء يعني
مفتهمتك انت تخاف علية لو تطعن بشرفي
مفتهمت شنو. الي رايدة يعني كلامك اعتبرة
تهديد الية ؟

سامر...شلون متردين تفتهمينه افتهمي معلية
اني الي علية كلتلج اي زلة منا لو منا ترحين
بيها انتي وحتى زيد يتأذة اوك وشكرا على
الضيافة