أوهام واقعية

البارت3

#أوهام_واقعية

🌸🌸🌸🌸رزان باسم🌸🌸🌸🌸🌸

البارت_3

سناء.... حيوان بشكل بشرررر...اخذت ملابسي واطفالي وطلعت من البيت ...! وجنت افكر وين اروح اني واطفالي ....

حجيت بداخلي مالج غير اخوج اعرف شراح
يسوي ... بيه هو وزوجته بس ميخالف
بين متخلص العده ... وبعدها اشوفلي صرفه

رحت..واني الخوف ماكلني توكلت على الله
ومشيت ... اني والاطفال وصلت البيت دكيت
الباب  .. ماكو رد!!  رجعت مره لخ.. جان تفتح

الباب زوجته ... وهي حاطه طبقه مكياج
وبدون حجاب ولابسه ثوب طويل ومخصر
على جسمها ... اول مفتحت الباب جان

تغمني وكلتلي خير شتسوين جايه علينا ...
اني ما كلتلها طلكني جعفر لان اعرف بيها حقيرة ... كلتلها خطار شنو ميصير ؟ اجي ؟

جان تكلي... دخلي وتعوج بحلكها وتكلي
لا هله ولا مرحبا بيج يالفكر ... دخلت حطيت
ملابسي ورحت نيمت الجهال ... وكعدت بالغرفة افكر شراح يسوي ... ايمن اذا عرف بيه

يمه شابعه خوف بقيت انوب اتخيل جعفر
خابره وكله... لو مألف كلام عليه وما استبعدها
عن ذاك النذل ... يا رب رحمتك ..

”””””””””””””””””””””””””””

ريم.... بعد ما جهزنا اغراضنا طلعنا بالسيارة
فاتحه الجامه وصافنه ويه الهوة... بس بالي
يم النتيجه ناجحه لو لا...اهلي يسولفون

بالسيارة بس بالي مو يم كلامهم...وصلنا
تقريبا الساعه 1:00 الظهر.. تلكانه عمي وهو
فرحان بينا... نزلنا الغراض ودخلنا البيت

لكيت زوجه عمي سلمت عليها من وره خشمها
تكرهني لان ابنها يريدني.. حطينا. غراضنا
بالغرفه ... مجهزين غرفه النا احنا البنات ...

لان هم بيتهم جبير وبي هواي غرف.. يعني
حالتهم المادية زينه كولش..بين ما صلينا
صاحونه على الغده... جانت السفره ممدوده

عمي وزوجته و ولده و بناته...واحنا السفرة
انترست..اشكال حاطين ... كعد كبالي سامر
على السفرة وهو ابد مشال عينه عني...ونظرته

ابدا مو راحه... شراح يخلصها حجيت بداخلي
وانوب هذا النقمه كاعد هنا شكد مزعج يربي
اني اكلت اشوية وكمت... رحت داغسل

ما احس اله صوت اجاني من ورايه.. درت
وجهي جان يطلع سامر... اهووو بلش الازعاج
اريد افوت ميخلني... اروح منا يجي منا..

كلتله شبيك ابتعد اريد افوت... جان يرد
عليه سامر ومبتسم ابتسامه خبث... لج ريومه
كلبي فدوة شلون كبرانه وصايره تخبلين يحجي ويعض بشفته ... كلتله شو دوخررر

رحت كعدت يمهم لكيتهن يشيلن بالمواعين
رحت ساعدتهن لمينا السفره ونظفنا المطبخ
وكعدنا نشرب جاي...اجه هو كعد مقابيلي..