أوهام واقعية

البارت23

#أوهام_واقعية

البارت_23

🌸🌸🌸🌸رزان باسم 🌸🌸🌸🌸🌸

ريم...طلع بابا على صياحه

ابو ريم...خير شبيك تصيح هااااا؟

سامر....عمي خلص اني طكت روحي
اليوم اعقد عليها اليوم يعني اليوم
ولاحد يناقشني ...

ريم...شنوووو! ...

ابو ريم...خيرررررر ولا مرة اجيت و ما
سويت مشكلة شرايد ؟

سامر...عمي قبل فترة كلتلك على ريم
وعدها واحد وانت ما صدكتني و كلتلك
اجيبلك دليل ..

ابو ريم...والمطلوب شنوووو...

سامر...ارجع واكرر كلامي اليوم اعقد
على ريم لان اذا تبقى هيج راح تتمادى
ومحد يوكفها واني ما اقبل يصير هيج.

ابو ريم...انت اول شي عوف ريم وما
اسمحلك تمد ايدك عليها افتهمت ابتعد
عنها ..

ريم...من كلة بابا هيج كبل ابتعد عني
بس نار وشرار يتطاير من عيونه بودة
يشرب من دمي ...

ابو ريم...وين دليلك خلي نشوف

سامر...تريد تشوف الدليل مو ؟ هسه
اشوفك

ريم...طلع موبايلة واني ماكلني الخوف
لان اعرف بي حقير خاف مصورني اني
و زيد ..احس روحي تريد تطلع من الخوف
والرعب ..انتهت حياتج ياريم اذا طلع
مصور او مسوي شي ..

سامر...تفضل عمي هاك شوف بنتك حتى
لا تكول علية اني اتبلى عليها تفضل شوف
شلون تتمضحك ولازمه ايدها

ريم...من كال هيج تذكرت بس بالكفتريا
لزم ايدي صدوك يمه صخام بوجهج يا ريم
شغل مقطع فيديو ... اباوع على بابا ملامحه
كامت تتغير من هادئ الى عصبي ..

سامر...شكلتلك عمي ..ترة مبينه الشغلة
ميحتاجلها تدقيق ..

ريم...من كله هيج جان يعيط بعلو صوته

ابو ريم...لج انتي ما استحيتي ما فكرتي
بية هاااااااااا ما كلتي يطلع من الصبح
لليل يلا يرجع علمود اوفرلكم احسن
عيشه و بالاخص انتي علمود اجمع فلوس
كليتج هاااا ما فكرتي بشيباتي مو حرام
عليج اني دازج تدرسين مو تحبين ..
اريد ارفع راسي بيج واكول بنتي دكتورة

ريم...يحجي واني ابجي صح ممسوية شي
غلط لان حبيت بس من كلامه حسيت
بالذنب المفروض ما اسوي هيج ابجي
وارجف من الخوف لان صار ناررر من
العصبية .. جرني من شعري حيل ويضرب
راشديات وامي تحاول تبعده عني بس
دفعها طلع الدم من وجهي ..

سامر...على كيفك عمي عوفها الي اني
اليوم اخذها واربيها على ايدي بس انت
على كيفك ويه نفسك لا يرتفع ضغطك ..

ام ريم...حسبي الله ونعم الوكيل عليكم
الله ياخذك انت كلما تجي وياك مصيبة

سامر...عمه احترمي نفسج ولا تغلطين
ترة مو زين ساكت وبعدين انتي المفروض
تعلميها ..على الصح مو تشجعينها على
الغلط و فوكاها  تعرفين هي الي ..