أوهام واقعية

البارت 8

#أوهام_واقعية

البارت _8

🌸🌸🌸🌸🌸🌸رزان باسم🌸🌸🌸🌸

ريم....من كمت اصرخ انهاريت بالبجي ..
ما احس اله راشدي فر راسي فر يمكن حتى
اذني احسها انسدت باوعت ..

وسام...بسسسسس احنا بأي حال وانتي
تملخين بنفسج متشوفين حال امج راح تنجلط
يعني تحير بيج لو بأبوج لو بنفسها

ريم...سكتت بقت بس الدموع تنزل وحدها
كلامه صحيح اني المفروض اكون قوية
علمود ماما ... كمت بدون اي كلام رحت لغرفتي .. بقيت كاعده لابيه ادرس ولا بية
ابجي ولا بية اسوي اي شي ....

مر الوقت حتى مادة الامتحان ما كملتها
نمت ما حسيت اله على ثاني يوم الصبح
كعدت غيرت ملابسي وطلعت انتظر ...
الخط يجي ياخذني ...

اني واكفه سمعت احد يگح التفتت وراي ..
طلع وسام ما حجيت وياه لان رغم الي سواه
علمودي وعلمود صحه امي بس ضجت من
تصرفه ...

وسام....صباح الخير

ريم...صباح النور

وسام...اني اعتذر على البارحه بس مجان عندي
حل غير هذا علمود اسكتج ...

ريم...جريت نفس لا عادي

وسام...لازم تكليلي ما زعلانة منك علمود
ارتاح كولشي يصير خاف اروح منا يجوز اموت
كولشي يصير ...

ريم...تنهدت وكلتله مزعلانة منك والله لان
الي سويته علمودي ... شفت الخط اجه
يلا اترخص باي .. صعدت بالخط واني روحي
طالعه لان ما اعرف عن بابا شي ...

وصلت الكلية سلمت على الكل وكعدت اراجع
اشوية بالمادة يمكن على كد الامتحان واطلع
للبيت ...

"""""""""""""""""""""""""""

سناء...مرت الايام وخالتي ام محمد تجي
علية بين فترة وفترة ومرات تبقى يمي
على العشة او الغدة حسب .. من يوم ما دخلت
حياتي خالتي ام محمد حسيت صار بيها لون

لان جنت معتبرتها امي جانت حيل حنينه
حتى اطفالي كولش يحبونها .. ويصيحولها
بيبي ..

جان كل يوم يجي نفس الولد الي حاول
يدخل البيت .. ويبقى يدك بالباب مرات يجي
بالنهار ومرات بالليل بس اني ابقى بخوف
وقلق ...

بيوم...جنت بالحمام واني موصية بنتي مريم
وحسام ميفتحون الباب لاي احد لا مرة ولا رجال ...

بيوم جنت بالحمام اسبح ما احس اله الباب
مال الحمام تندك اني كل عقلي واحد من اطفالي صحت منو محد يحجي كملت ولبست
ملابسي وطلعت وشعري مبلل رحت ادور

على مريم وحسام اريد اشوف منو الي دك
الباب خاف يردون شي اول ما دخلت
الغرفه باوعت جان اشوف نفس الولد

كاعد على الجرباية وحاط رجل على رجل
ويضحك اني بقيت افرك بعيوني عبالي
داتخيل ...