أوهام واقعية

البارت22

#أوهام_واقعية

البارت_22

🌸🌸🌸🌸رزان باسم 🌸🌸🌸🌸🌸

مر اليوم عادي جان يجي بابا اني كبل
رحت يم ماما وكلتلها لا تنسى .. انو
تقنع بابا  تعشينا واني رحت لغرفتي
ما اعرف شنو الي صار بعد ...

بقيت الوب بس اريد اعرف شنو
قرر بابا متحملت رحت امشي على اطراف
اصابيعي .. و وكفت ورة الباب جان اسمع

ام ريم....اكلك ابو ريم انت صدوك تريد
تبطلها من الكلية ؟

ابو ريم...منو ؟

ام ريم...غير ريم اكو غيرها ؟

ابو ريم...اي ليش ؟

ام ريم...انت من صدوك تحجي ليش تريد
تبطلها مو انت الي حركت الجو علمود تكمل
ودائما تشجعها هسه شنو الي تغير هااا ؟

ابو ريم....كوثر انتي اطلعي منها

ام ريم...لا اريد اعرف شنو السبب يجوز
اقتنع

ابو ريم...انتي مشفتي من يوم ما دخلت
للكلية وكل يوم سامر جاي و مسوي مشكلة
حتى فشلة من الناس و بعدين اني شاك
عدها واحد تحبة

ام ريم...انت من كل عقلك هيج تفكر شو
اخوانك من يوم ما تزوجنا وهم معادينا
وشغلة ثانية واذا حبت مو من حقها مثلا !

ابو ريم...اهااا يعني عدها واحد تحبة ؟

ام ريم...عزة افتهم كلامي كلت من حقها
ما كلت عدها و بعدين الحب لا عيب ولا
حرام انت مو حبيتني و تزوجنا شنو الفرق

ابو ريم...شوفي وين دخلتينا اني  غير
عنها اني زلمه هي بنية وبعدها متعرف مصلحتها

ام ريم...ليش قابل صغيرة بنتك شابة
وگضت عمرها تراقب بخواتها وعينها عليهن
احنا ما حرصنا عليهن بكدها وهي هم تريد
تشوف حياتها ...

ابو ريم...والله من هذا كلامج احنا ممسوين
شي بس جبناهن على الدنيا وريم طلعت
من بطنج وربت خواتها موو

ام ريم...مو هذا قصدي بس هي اكثر
اعرف انت متقصر ولا اني اكيد بس ليش
تحرمها وانت تعرف بعمامها شنو حرام
عليك متوقعتك هيج تفكيرك نفس تفكيرهم
اذا احنا منطيناها الثقه منو راح ينطيها
الثقه حتى تصير ما عدها شخصية وبعدين
البنت اذا انت منعتها و صرت تشك بيها
راح تسوي اشكال من وراك ..

ابو ريم...لعد شنو جنتي تتوقعين وبعدين
اني اشوف سامر مناسب الها حتى لو جان
مو خوش يستعدل بمرور الوقت وريم
تعدلة معليج انتي وبعدين اني واثق بيها
بس تجنبا للمشاكل ما اريدها تداوم

ام ريم...يااااا شنو هالتناقض الي بيك
من جهة جنت متريد سامر و اهلة و جنت
تريد ريم تكمل وانت الي تشجعها ومن جهة
ثانية هسه صرت تريد سامر وقابل بالوضع
كولة و تريد تبطلها من الكلية ..