أوهام واقعية

البارت 18

#أوهام_واقعية

البارت_18

🌸🌸🌸🌸رزان باسم 🌸🌸🌸🌸🌸

ريم...رجعت للبيت بعد ما قضيت وقت حلو
جنت فرحانه كولش رحت للغرفه كبل
نمت .. كعدت العصر طلعت للحديقه
سويت جاي وكعدت بالحديقه اشرب
جان يندك الباب ...بقوة رحت ركض
فتحته بقيت فاكه عيوني ممصدكه ...

تجمعت الدموع بعيوني صرخت بصوت
لا ارادي بابا و رميت نفسي بحضنه واشهك
من البجي ... وابوس بي و اباوع علية
معقولة اني بحلم لو بعلم ...

ابو ريم...افيش يا ريحتج با بعد عمري
يا بنيتي لو تعرفون شكد مشتاقلكم ..

ريم...هسه يلا نور البيت بوجودك يا
سندي وعمري وروحي .. دخل بابا
واني ركضت جوة اصيح رجع بابا ولجن
رجع الغالي يمه رجع نور البيت و عموده
يووووووم رجع حبيبي بابا..

اجت امي على صوتي واجن خواتي
امي كبل ارتمت بحضنه وتشهك مثل الطفلة
وتبوس بي من كل مكان بوجه وتباوع علية
وترجع تحضنه .. خواتي اجن يتراكضن حضنن
بابا .. بس بابا من رجع ضعفان والشيب تارس
راسه .. و ايدينه مجرحات وجهه بي اثار جروح

ابو ريم...بنونه وين ؟

ريم...باوعت على امي طكتها بجي وتشهك
اباوع على خواتي كامن يبجن وباوعت على
ماما انتهت ..شلون نكلة

ابو ريم...احجوا بنين وين لا تعصبوني وين
بنتي وينها

ريم...جريت نفس وتنهدت بابا بنين انطتك
عمرها .. من حجيت هيج بابا صفن والدموع
تجمعن بعيونه ..

ابو ريم...شنوووو! لا اكيد انتي تجذبين علية

ريم...هزيت راسي للاسف بابا هاي الحقيقة
وبنين كلتلي اذا رجع بابا كليلة بنين تكول
خلي يسامحني من كل كلبه ويرضى علية
وكلتلي كليله اني احبه هواية هو وامي ..
حجيت هيج لو بابا كعد على ركبته وكام
يبجي بصوت عالي مثل الطفل .. حضنا وكمنا
على بجية الدموع صارت من فرح الى حزن ..

ابو ريم...شلون ماتت شلوووووون ؟

ريم...بابا تمرضت من ورة فراكك وماتت
ما تحملت كامت ما تاكل حتى الدوام تركته
اسفه بابا مضطرة اكذب احجي بداخلي ...

ابو ريم....ااااااااااااااااااااخ يا بنتي بعدها
طفلة ما شافت شي من حياتها ..

ريم...بابا كافي ما صدكنا من رجعت نريد
نفرح كافي بجي راح اتصل على خالتي
خلي نفرحها ... رحت اتصلت عليها وبشرتها
كلتلي باجر نجي عليكم .. سديت الموبايل
ورحت للمطبخ سويت عشة .. بابا راح
لغرفته .. اخواتي اجن يساعدني

رقية...ما مصدكه والله كلت يمكن ما يرجع
الحمد لله

ندى...اي والله ..صحيح ريم ليش جذبتي
على بابا ؟