أوهام واقعية

البارت 10

#أوهام_واقعية

البارت_10

🌸🌸🌸🌸رزان باسم🌸🌸🌸🌸🌸

ريم...ما نحس غير الباب تندك بقوة ..
رحنا نركض فتحت الباب جان يطلع وسام

وسام...خالة هسه اتصلوا بينا من المستشفى
و كلولنا على واحد يمكن يطلع عمي

ام ريم...عزة العزاني راح ابو ريم

ريم... شفت امي لطمت على صدرها وكامت
تملخ بنفسها ركضت عليها على كيفج حبيبتي
ضغطج لا يرتفع

ام ريم...عساني اموت واخلص ولا اشوفه

وسام...صدوك كذب خالة ميصير هيج ترة
ممتاكدين اذا جان هو او لا خلي نروح

ريم...اروح وياكم ما اكدر اعوف امي وحدها

وسام...بسرعة ريم لا تتاخرين

ريم...رحت ركض لبست حجابي وطلعت
بنين انتبهي على البنات وعلى نفسج واقفلي
الباب لا تفتحينه لاي احد

بنين....ماشي بس طمنوني

ريم...اخذنا وسام اني وامي رحنا على المستشفى الي اتصلو علينا منها احس الطريق
شطولة صار ... اول ما وصلنا نزلنا ركض

ركض كدامنا وسام وسال الدكتور على الجثة
الي لاكينها .. اجه وسام علينا كال امشو منا
مشينا وراه بس اني كلبي احسه مقبوض

امشي وادعي انشالله مو هو اول ما دخلنا
امي اغمى عليها شالوها واخذوها للطورائ
بعد ما شكلولها مغذي .. رجعنا اني وسام

طلعوا الجثه اني غمضت عيوني من الخوف
اريد اشيل الغطى الي عليها ايدي ترجف من
الخوف .. قويت نفسي اول ما رفعت الغطى

باوعت ... طلع مو هو يمه الحمد لله كعدت
بالكاع من الخوف اول مرة اشوف شخص
ميت ..

وسام...الحمد الله مو هو صحيح الاسم نفس
اسم بابا بس اسم الجد مو هو الحمد الله
من الفرحه كمت ابجي طلعت اني و وسام

رحنا على الغرفة الي بيها امي لكيناها نايمه
حاطيلها مهدء كعدنا يمها بين ما صحت
كامت تبجي وتكلي هاا شفتو ابوج لو لا

ريم...يمه اهدئي مو هو الحمد الله

ام ريم...متاكده خاف دتكذبون علية انت
وابن خالتج

وسام...لا خالة مو هو شنو قابل منعرف شكلة
وبعدين حتى الاسم مو هو الحمد الله.

ام ريم...هسه ارتاحيت الحمد الله

ريم...وسام عفية شوف الدكتور نطلعها
لو لا .. راح وسام ورة دقايق اجه كال نكدر
نطلعها من المستشفى ... طلعناها

اول ما وصلنا البيت اجن خواتي يركضن
يردن يطمئنن .. كلتلهن مو هو كيفن

ريم...مرت الايام وبابا ماله اي اثر لا سجن
لا مستشفى ماكو اني هم اداوم يوم ويوم