أوهام واقعية

البارت 25

#أوهام_واقعية

البارت_25

🌸🌸🌸🌸🌸رزان باسم🌸🌸🌸🌸🌸

ام ريم...مو انتي دزيتي خبر بيد عمج كلتي
ما اريد اشوف اي احد من اهلي بعد
احنا شعلينا ..

ريم....شنوووووو ؟ اني ؟

ام ريم...اي انتي

ريم...فار دمي من كالت هيج فوك ما
حابسيني وفوك الضرب كايلين لاهلي اني
عايشة مرتاحه وما اريد اشوفهم حسبي
الله ونعم الوكيل عليكم ...

ام ريم...شبيج صفنتي وعيونج بگصتج

ريم...شلون مترديني انقهر و اني ما حاجية
هيج فوك ظلمهم منعوني من شوفتكم

ام ريم...مو جابج زوجج هسه وكلج تبقين
اسبوع يمنا بعد شرايدة

ريم...معقولة ماما انتي صايرة هيج ؟
نسيتي منو هم بيت عمي هااا نسيتي لو
اذكرج ..دزني لنها لان اكيد وراها مصيبة
يمه سامر ميحبني كلهم يكرهوني وانتي
تعرفين بهذا الشي...وتعرفين شلون منعوني
من الشخص الي احبة ..يمه ظلمتوني كلكم
انتي وبابا وهم ظلمتوني احجي والدموع
ميوكفن تعبت من وراكم ...حرام عليكم

ام ريم...احجيلي شبيج يمه ليش تذبين
الوم  علية اني شنو ذنبي  هاااا

ريم...جريت نفس و تنهدت كلتلها ماكو
شي لا يظل بالج مسحت دموعي وكمت
رحت للغرفه مالتي افيش  قفلت الغرفة

شمرت نفسي على الجرباية و حطيت
وجهي بالمخدة وكمت ابجي حيل
كمت مسحت دموعي وطلعت الموبايل

دكيت على زيد لان مشتاقتلة .. اعرف
ميصير حرام بس مو بيدي لان احبة
اعشقه ولا يوم نسيته ..اتصلت بس
ماكو رد رجعت اتصلت نفس الحالة

اختنكت ليش ميرد ...بقيت ادك
وهم نفس الحالة دزيت رسالة
وهم ماكو. رد تعبت نفسيتي زايد ..

مسحت دموعي و نمت لان جنت تعبانه
مر اليوم عادي لان جنت نايمه وما حسيت
اله قبل العشة ..كعدت تعشيت ويه اهلي

بس وجهي ثگيل ويه بابا خلصنا عشة
ورحت كعدت يم البنات بالغرفه نسولف

رقية...ريم البيت وحشة بدونج همزين
من جابج سامر و شفناج

ريم...اي والله مشتاقتلكم ما اعرف شلون
الله هداه وجابني

ندى...اكلج بيت عمي صدوك مدللينج

ريم...ههههههااي اي مدللة كولش يمعودة
وين الدلال كولة شغل ما اكدر اكللهن
على الضرب مالي خلك المشاكل احجي
بداخلي ..

رقية...عزة لعد عمتج كم مرة اجت علينا
ومن نكللها نريد نجي على ريم تكول
لا ميحتاج تكول متريد تشوفكم و كالت
سامر مغركها بالدلال والحب..

ريم...ههههههههههه عزة شنو من تأليف
اصلا كولة شغل

ندى...عزة شكد يكذبون جان استحوا
على شيباتهم ...