أوهام واقعية

البارت 5

#أوهام_واقعية

البارت_5

🌸🌸🌸🌸🌸رزان باسم🌸🌸🌸🌸

ريم... مرت الايام عادية بين الطبخ والتنظيف
وبين النوم يعني العطلة جانت مملة..اخلص
كولشي واروح لو يم امي لو احجي ويه سرى

خواتي نفس حالهن ما تغيرن علمود تزيد
بقن يلحن على بابا يجيبلهن موبايلات وفعلن
بابا جابلهن لان ما يكدر يرفضلهن طلب ...

بيوم جنت كاعده بالحديقه وصافنه ... بداية
شهر 9 فزيت على دكه الباب رحت صحت منو
جان يطلع عمي ابو سامر .. سلمت علية

بش شكلة جان مقهور كولش جان يكلي وين
ابوج كلتله غير بالشغل .. جان يكلي بس يرجع
كليله عمي يريدك بموضوع ضروري ..

بعدها مشة رجعت بنفس مكاني جان جان
تجي امي

ام ريم... ريم ريم

ريم...ها يمه شبيج ...!

ام ريم... وسام خطبولة البنت الي يحبها

ريم...صدوك يمه ... الحمد لله زين انتي من
كلج ؟

ام ريم...خالتج هسه خابرتني وكلتلي جيبي
البنات بالليل مسوين حفلة

ريم...انشالله يمه كلتي لخواتي ؟

ام ريم...ميدرن بالدنيا وين حايرات بهذا الموبايل والفيس وما اعرف شنو وامتحانتهن
قربت وهنه كولشي ماكو ...

ريم...خيولن عوفيهن

ام ريم...لو بس اعرف شديسون كلبي ممرتاح
ابدا .. يمه ريم عينج عليهن خاف يسون غلط
ترة بعدهن ميعرفن مصلحتهن

ريم...جريت نفس انشالله يمه هو اني عيني
عليهن ...

ام ريم...عفيه عليج بنتي يلا كومي خلي نجهز
كولشي علمود بس يجي ابوج ياخذنا

ريم...رحت جهزت ملابسي لان نبات هناك
واخواتي هم جهزن ملابسهن وكولشي يلزمنا

للمغرب اجه بابا كلناله خطية ابدا معارض
خلصنا عشة ورحنا لبيت خالتي ...بالطريق
تذكرت عمي

ريم...بابا اليوم اجه عليك عمي

ابو ريم...اي اعرف خابرني

ريم...شيريد منك شو جان وجهه مقهور

ابو ريم...هااا .. لا ماكو شي شغلة بيني وبينه

ريم...ها ..

"""""""""""""""""""

وسام...رجعت للبيت لان كلت خطية امي
كلبها مفرفح علية اول مدخلت البيت جان
تحضني وتبوس بية .. وتبجي اني هم

جنت حيل مشتاقلها حضنتها كمت ابوس بيها
بلهفة .. يمه اني اسف

ام وسام...لا تتأسف يمه الصوج مني اني
تعال يبعد امك