أوهام واقعية

البارت 17

#أوهام_واقعية

البارت_17

🌸🌸🌸🌸رزان باسم🌸🌸🌸🌸🌸

علي...اخذت العلاج وانطيته لريم ورجعت
ركض .. كلت خاف الكاها رايحه بس الحمد
الله لكيتها واكفه منتظرتني .. خو ما تاخرت
عليج ؟

سناء...لا ما تاخرت

مريم...يلا عمو خلي نروح

سناء...مررريم عيب

علي...امشي حبيبتي لو تبقى على امج كولها
عيب وعيب حجيت هيج وباوعت عليها
لكيتها صافنه ...

سناء....ليش هيج يحجي ويايه حجيت بداخلي
يلا امشوا .. مشينا هو يمشي كدامي مسافه
واني امشي وراه .. طبعا شايل حسام و
لازم مريم بأيده ويمشي جان طويل وضخم
وشخصيته حلوة .. بقيت امشي وراهم

علي...وصلنا للمحل يلا اي شي تردونه اشترو
ومعليكم بأمكم ...

سناء...بس هيج هواية وميصير طلعت فلوس
من الجنطه و مديت ايدي تفضل

علي...داشتري و جان تنطيني فلوس احس
نار وشبت بداخلي اخذيهن ولا تعيديها ويايه
او ويه اي شخص ماشي.. حجيت بنتر

سناء...اسفه مو قصدي .. بس اني ما اكدر
هيج والله

علي...لا تكدرين

سناء...عصب وكام يحجي بنتر صدوك خفت
منه هسه اني شجاني وانطيته الفلوس
اوووف احجي بداخلي ..

علي...هاج اخذيهم وارجعي ..

سناء...ماشي شكرا .. اخذت اطفالي ومشيت
يمكن اول واحد اشوف نظرته تختلف عن
باقي الي قابلتهم هذا نظرته مبهمه ما اعرف
افسر شنو نظرته عكس الي قابلتهم جانت
نظرتهم بس رغبة ...

علي...رجعت على ريم لكيتها محتركة من
الفضول اجيت امشي على اطراف اصابيعي
وضربتها خفيف على راسها

ريم... خرب يومك فززتني تعال شنو سبب
هذا الفرح و مشيت فرحان وبدون ما تحجي

علي...هااا ارتبكت شنو اجاوبها خرب

ريم...وجعا شبيك

علي...مو لكيت مريم وحسام ذولة الي
قبل فترة شفناهم بالمستشفى .. واخذتهم
ورحت اشتريتلهم ...

ريم....باوعت صفح علية مبين لعد ليش ما
فرحت اول مشفناهم هااا خاف فرحت على
شوفت الجبيرة ..

علي...هاااا لا شنو هالكلام اني وين وهي
وين ...

ريم...اكذب على الكل اله اني متكدر تعبرها
علية اعرفكم وبعدين عيونك فاضحتك

علي...لا بس

ريم...يريد يحجي جان امي تفتح وجان
تنطق اول حرف من اسمي .. بس كوة
طلع ... نزلن دموعي علي سمعت ماما طلع
صوتها سمعت موووو