أوهام واقعية

البارت 6

#أوهام_واقعية

البارت_6

🌸🌸🌸🌸🌸رزان باسم🌸🌸🌸🌸

وسام...سوينا حفله عزمنا خالتي والبنات وعمامي و ولد عمامي واصدقائي جانت حفله
كولش حلوة ...

ريم...وصلنا لبيت خالتي جانت هوسة يمهم
سلمت على الموجودين .. وباركت لوسام خطيه
كولش فرحان .. رحت غيرت ملابسي رتبت

نفسي .. داريد اطلع شفت اخواتي لابسات فساتين .. جانن الفساتين يلبسن بحفلات
وبس بيها بنات يعني مو مال حفلة كولها شباب

رحت ركض عليهن عزةة بعينجن على هيج
لبس وين موليات بنص الشباب متستحن
هيج الحياء راح منجن ولجن انتن شنو من بشر

بنين...اهوووووو بس اريد اعرف انتي ليش
هيج معقدة ومتخلفه معليج بينا رجاااء

ندى....اي والله معقدة ومتخلفه  ويييعع منج

ريم....اهااا هسه الستر صار تعقيد وتخلف
لعد انتظرني دقيقه .. اتصلت على امي ردت
عليه كلتلها تعالي لغرفه زهراء.

رقيه...شنو هالنفاق وشكو تخابرين ماما ؟

ريم...ما رديت عليهن دقيقه اجت امي

ام ريم...ها يمه ليش اتصلتي عليه خير اكو شي

ريم.. اي يمه واشأرتلها على البنات تفضلي شوفي شلابسات واكو ولد جوة طابين طالعين
من كلتلها هيج دكت على صدرها

ام ريم...عزة بعينجن يعني تردن تالي عمري الناس تحجي علية وتكول امهن ما عرفت
تربي بناتها .. لا تنسن عائلتنا متحفظه يلا كدامي انزعن هذا والبسن مثل اخيتجن شوفنها
جنها العافية ...

رقية...ماما ليش دتحسسونا انو احنا مسوين
جريمه

ام ريم...انجبي ويلا كدامي غيرن ملابسجن
عجيبه انتن شنو من بشر ماكو مستحه ولد
طابة طالعه وانتن تردن تنزلن هيج

ندى...رايحات  شنو هالتخلف

ريم...راحن غيرن ملابسهن  اني رحت وية
امي جانت الحفلة كولش حلوة  جان مشغلين
موسيقى والولد كولها تركص وفرحانين اني

رحت كعدت على صفحه بس اتفرج ... باوعت
شفت خواتي هم يركصن عزة كولش استخفن
مر الوقت ما حسينا بي صارت الساعه

12 بالليل الكل راحوا احنا بقينا يمهم ...
بقيت اتكلب ما كدرت انام رحت طلعت برا
بالحديقه جان هدوء كولش ... جنت شارده

ما احس اله صوت ورايه فزيت .. باوعت
لكيته وسام..

وسام...ها ولج شدتسوين هناا

ريم...ما جايني نوم انت ليش كاعد

وسام...جنت احجي ويه الحب وشفت الباب
مفتوح كلت خلي اشوف منو  برا