أوهام واقعية

البارت 4

#أوهام_واقعية

البارت _4
🌸🌸🌸🌸🌸رزان باسم🌸🌸🌸🌸🌸

سناء... ما احس اله صوت الباب يندك واخويه
يصرخ اطلعي ... اني جفلت من الخوف بقى
يدك بالباب حيل ...

اول ماطلعت جرني من شعري وحط السلاح
براسي ..  جان يكلي ليش تتسترين عليها هاااا
ليش محجيتي ...

سناء... بقيت اتمتم من الخوف كوه طلعت الكلمه وكلتله والله ما جنت ادري .. اني ما ادخل باي شي لان وقتي بس للشغل ...

ضربي راشدي وكام يصيح .. اجو الجهال يتراكضون عليه وشابكيني من الخوف عبالهم
راح يكتلني ...

اجو كبل حضنوني من الخوف هو ضربني
وراح ... اتصل على اهل البنت اني طلعت
لكيت الناس كولها ملتمه .. عااط بيهم شكو

ملتمين هنا هاااا..يمكن ورة نص ساعه اجو
اهلها صار نقاش حاد اني اخذت اطفالي ورحت
للمخزن ... واسمع الكلام بعدها اخذو الجثه

والاطفال اهلها اخذوهم .. اخوية طلع من البيت
بقى البيت هدوء .. طلعت البيت فوضى رحت
لملمت كولشي بقت الغرفه ما دخلت الها ..

مناقصني اخوية دخلت للمخزن حاولت انام
مكدرت صار الفجر رحت صليت ورجعت مددت
يم اطفالي ...

””””””””””””””””””””””””””””

ريم...فتحت لكيت نفسي بالمستشفى وحاطيلي
مغذي ..  واهلي يمي ..

ابو ريم... ها بنيتي شلون صرتي ..؟

ريم...ليش شنو الي صار ..؟

ابو ريم...بنتي دختي و وكعتي ما اعرف شبيج
شبيج باباتي تحسين بشي يوجعج كليلي

ريم...لا بابا كولشي ما بيه غير العافية ...
يمكن التعب مال السادس والحر وكذا احتمال
هبط ضغطي ..

ابو ريم....ها اذا هيج خوش من نرجع للبيت
ترتاحين ...

ريم...اجه الدكتور ساله بابا على سبب الاغماء
كله هو هبوط بالضغط .. بس عليها ضغط نفسي
ديروبالكم عليها ...

ابو ريم...انشالله. نكدر نطلعها .. هسه

الدكتور...اي

ريم...اخذوني بابا وماما ..للبيت دخلت البيت
جهزن البنات الغرفه مالتي علمود ارتاح بيها
طبعا كلام الدكتور صحيح .. يمكن على كد
ما افكر شنو الي اسوي..من وره خواتي

قررت خلص بعد معلية بيهن طبهن مرض..
مراح يستعدلن .. بحياتهن لو امنع كولشي عنهن
مدام عدهن صديقات سوء .. خلي اغسل
ايديه منهن ...

مرت هاي الفتره على خير تحسنت حالتي ..
بيوم كاعدين .. الصبح جان تتصل خالتي
بأمي ...

بقن يسولفن تقريبا نص ساعه .. بعدها اجت
امي سالتها .. جان تكلي وسام ابن خالتج
طلع من البيت وما يرد على احد وخالتج