بارت اضافي لعيونكم الحلوة ❤
#أوهام_واقعية
البارت_14
🌸🌸🌸🌸رزان باسم🌸🌸🌸🌸🌸
وسام...اهدئي ريومه خلي يولون لا تضوجين
ريم...شنو متشوف شلون لعبوا على اعصابنا
دنسولف جان يتصل نفس الرقم فتحت خط
وكلت الوووو بنتر .. هم مفتهمت شنو
حجه لان الصوت يقطع .. اخر شي كلتله
والله مفتهمت شي اخي منو انت وشرايد
كلي اسف بالغلط لان موقصدي اوتر الجو
يمكم صار حادث هسة وناس ملتمة واني
اريد ادتصل على اهل ذولة الناس ويمكن
من السرعة صار غلط بالارقام اسف اختي
كلتله ولا يهمك وسديت الموبايل بس
كلبي نغزني عبالي بابا اوووف شلون
هبطه
وسام...يلا هسه غير واحد ولا ابوج تصير
هيج شغلات ..
ريم...تاخذني خلي نروح نشوف امي واني ابقى
بمكان خالتي خطية ابتليتوا انتو بينا
وسام...ترة ازعل منج يلا امشي منو منكم
يريد يروح كلهم كالوا اني
ريم...اخذنا وسام اني والبنات علمود نشوف
امي اول ما وصلنا رحت عليها شفت خالتي
تبجي ما اعرف شصار كمت بس اشوف احد
يبجي اكول اكيد اكو شي كمت بس تشائم
من القهر والمصايب ...رحت ركض عليها
وسالتها .. خالة امي بيها شي
ام وسام...هاي ايمتا اجيتوا ؟
ريم...فدوة خالة ليش تبجين كليلي بيها شي
ماما احجي
ام وسام...ياااا لج انتي ليش تفاولين على
امج امج ما بيها شي واني بجيت من الفرح
يمه
ريم...فرح ؟ ليش شنو الي يفرح بالموضوع ؟
ام وسام...حبيبة امج فتحت عيونها قبل
اشوية وصحنا الدكتور كال دتتحسن حالتها
للاحسن انشالله
ريم...شنوووو خالة شنو دتتشاقين انتي
مو هاي وينها مغمضة عيونها ...
ام وسام...اي يمه جنت كاعده واحجي وياها
جان تفتح عيونها بس رجعت غمضت ميخالف
يكه اقلها نطمئن هي بخير واكو أمل ترجع
النا انشالله ..
ريم...حضنت خالتي من الفرحة اوووف
واخيرا فتحت عيونها يارب اشملها برحمتك
الواسعه هي وبابا واختي .. خالة خلي يجون
يشوفوها وانتو روحوا واني ابقى يمها هنا
انتي تعبتي
ام وسام...اي والله يمه تعبت خلي علي يبقى
يمج خاف تحتاجين شي ما عنده شي فارغ
ريم...اي خالة اجو كلهم اطمئنوا على وضع
ماما ومشوا بقينا اني وعلي بمكان خالتي
علي طلع يدخن برا واني كعدت يمها
لازمة ايدها وابجي واحجي وياها
ماما انتي تسمعيني مووو اكيد تسمعيني
يلا حبيبتي شدي حيلج البيت وحشة بدونج
والله محلو .. يمه احنا تعبنا وانتي ماكو
فدوة ارجعي لان اشتاقيتلج واشتاقيت
لضحكتج الي تارسة البيت علينا ولكعدتنا
الصبح اني وياج ... انتي لازم تقوين نفسج
يمه ... بقيت ابجي ومرجية راسي على
السدية و لازمه ايدها رفعت راسي جان
أنت تقرأ
أوهام واقعية
Romanceشبكة...عنكبوتية مليئة بالاوهام يذهب فيها الكثير من ضحايا البشرلذئاب مفترسة...!؟ واقع مر..!! في ارضنا من احبب بصدق و وفاء واجه العديد من الصعوبات... فراق..الم..بكاء يوجد على ارضنا الكثير من الوحوش بهيئه بشر!! على ارضنا انعدمت الرحمه لدى بعض البشر...
