#أوهام_واقعية
البارت_26 و الاخير
🌸🌸🌸🌸🌸رزان باسم🌸🌸🌸🌸
ريم...سحلني من شعري وكدام اهلة
يضرب بيه و حتى دفرني على بطني
شنو السالفه ..
سامر...امشي اصعدي بالسيارة
ريم...اخذني بالسيارة اول ما وصلنا لبيتنا
لكيت الكل ملتم ...اول ما دخلت جان
يضربني بابا راشدي احس اذني صفرت
من قوة الضربة ....
عمامي واكفين و ولدهم وسامر وبابا
وماما وخواتي و جتى عمتي اجت ويانه
واني ما اعرف شنو السالفه ...
اريد احد يفهمني شنو السالفه ليش هذا
الضرب وبدون ما اعرف السبب ؟ احجوو؟
ابو ريم...لج حسافه التعب الي تعبته
عليج يا ريم حسافه والله اني تالي عمري
هيج يصير وياية من وراج تخلين راس
ابوج بالطين ... بس هسه اني اعرف
شلون اربيج بنت الكلب
ريم...تفاجات من كلام بابا شيقصد...
شنو قصدك ؟
ام ريم...والله اذا الكلام الي سمعته صحيح
لا اني امج ولا انتي بنتي واتبرى منج
اليوم قبل باجر ...
ريم...طكت روحي على كد ما يحجون
بس بالالغاز واني روحي مفرفحه من
كد الوجع وبطني كامت توجعني لان
وحده من ذني الضربات اجت على بطني
وجان اعيط بعلو صوتي ...ولكم غير
افتهم شنو السالفه جايبيني سحل مثل
الچلب و شبعتوني ضرب واني ما مفتهمه
السالفه شنو ولكم انتو شنو من بشر ...
ابو سامر....بس ولج ساقطه واني اكول
ريم الحبابة الهادئة طلعتي من جوة
ليجوة وتعرفين شلون تلعبين عدل!
ريم...لا اله الاالله ...تذكرت بنين معقولة
عرفوا سالفتها بقت فكرة تاخذني وفكرة
ترجعني .. يعني انتو من جبتوني شتردون
تسون بية من انتو مجتمعين ..هسة
واني مثل الاطرش بالزفة وفوكاها متقبلون
تحجون...بس بالالغاز ..ومسويني علساس
اعرف اريد واحد بيكم يحجي انتي
يمه احجي عمه احجي انتي شبيكم
ترة ميصير هيج ...يابة تردون تقتلوني
هاي گدامكم بس خلصوني من هذا العذاب
وخطيتي تبقى بركبتكم واحد واحد
وما ابريكم الذمة و الله الي يطلع حوبتي
بيكم ...لذا يا تحجون لان هم من حقي
اعرف شنو السالفه ومن حقي ادافع
عن نفسي لو هنا البنية ميصير تحجي
وتدافع عن نفسها ...لو تقتلوني وخطيتي
بركبتكم ..بسرعه قرروا ...
سامر...خطية تسوي نفسها مظلومة
وهي اسقط من الساقطه نفسها لا حبيبتي
احنا مراح نقتلج لا...راح نعذبج وبعدين
نطم عارج ...
ريم...من كال هيج ..جفلت لان اكيد
مطلعين سالفه ما بيها خير علية من كال.
عارج ...عيد شكلت عار ؟
سامر...اي عار ...انتي وحده خاينه وما
صنتيني ..اني صنتج بس انتي لا جزات
تعبي عليج هاي السنتين انتي بكل
بساطة رحتي خنتيني ..
أنت تقرأ
أوهام واقعية
Romanceشبكة...عنكبوتية مليئة بالاوهام يذهب فيها الكثير من ضحايا البشرلذئاب مفترسة...!؟ واقع مر..!! في ارضنا من احبب بصدق و وفاء واجه العديد من الصعوبات... فراق..الم..بكاء يوجد على ارضنا الكثير من الوحوش بهيئه بشر!! على ارضنا انعدمت الرحمه لدى بعض البشر...
