أوهام واقعية

البارت 24

#أوهام_واقعية

البارت_24

🌸🌸🌸🌸رزان باسم🌸🌸🌸🌸

ريم...بقيت ساكته واني بداخلي صرخه
تهز العالم بأكملة بداخلي كلب مكسور
بس اريد الله يصبرني على فراك زيد

لشوية..جان يكولون العريس يريد
يدخل اجتني الرجفه مال خوف و
حقد ..امي سلمت علية وخواتي

وطلعن اني  بقيت كاعده جان يدخل
سامر واحس كلبي راد يوكف من الخوف
هو سد الباب لو اني احس روحي تريد
تطلع من جسمي جان يجي ويكعد يمي
جان يكول ....

سامر...شوفي ريم لا عبالج تزوجتج حبا
بيج لا عيوني اريد انتقم واكسر خشمج
علمود تتأدبين ..ما انكر قبل جنت احبج

بس هسه لا وخصوصا بعد الي سويتي
وياي علمود زيد وشلون دائما ترديني
وهواي امور وكولها تعرفينها ..لذا
راح اندمج واطلع حليب امج من خشمج

وعبالج اني زيد علمود هسه اخذج بالاحضان
لا عيوني اني سامر تعرفين منو سامر
موو ...

ريم...من سمعت كلامه لازم ابين كدامه
انو اني قوية ما انكر خفت منه ومن
تهديده بس ما بيدي حيلة ...

هه عفوا منو انت علمود تحجي هيج
اصلا اني مو شايفتك ومو من هسه لا
عيوني من زمان مو شايفتك .. اله اشوفكم
نجوم الظهر بسيطه اريد اخليكم تتندمون
لان اخذتوني .. وتهديدك هذا لا خوفني
ولا شي لان لو كايلة لطفل جان ضحك
عليك لان للاسف معتبر نفسك رجال
انت ما محسوب على الزلم لان ذرة رجولة
مابيك ...بس حجيت هيج جان يجرني

حيل من شعري لان اصلا هو كاهد بصفي
حتى شعري تأذة لان تسريحه ..كلتله

ايدك وخرها لان كلامي صحيح استفزك
لانك مو رجال اعيدها علمود تسمع
الي يمد ايدة على مرة مو رجال ..جان
يضربني حيل خلى الدم يطلع من حلكي

سامر...اني مو رجال موووو هسه
اشوفج الي مو رجال شيسوي ..

ريم...نزع الحزام وكام يضربني بكل
مكان بجسمي حيل على كد الضرب خدر
جسمي كمت ما احس بالضربة ..

سامر...ليش متصرخين هاااا تسوين
نفسج قوية وانتي اضعف من الحشرة
اله اخليج تصرخين اليوم وتتوسلين
بية

ريم...من يضرب ما اطلع صوت لان
الناس موجودة ومالي خلك فضايح
ومن غير ما هو يريد مني اصرخ علمود
يتونس بقيت صامدة الى ان اغمى علية

ما اعرف شكد مر من الوقت بس من
كعدت لكيت نفسي بدون ملابس و
مرميه بالكاع الدم بكل مكان بجسمي
من قوة الضرب اريد احرك نفسي
ما اكدر ..بقت دموعي تنزل على خدي
بس احسها تأذيني لان جانة توكع على
الجرح ..كوة زحفت ..

وجريت الغطى و لفيت نفسي بي
حاولت اكوم ما اكدر لفيت نفسي بالغطى
ونمت بمكاني بالكاع اني باوعت على
الجرباية سامر مموجود عساه انشالله
يموت واخلص منه .. تذكرت زيد
اوف تعال شوف شصار بحبيبتك ....