أوهام واقعية

البارت 11

#أوهام_واقعية

البارت _11

🌸🌸🌸🌸رزان باسم🌸🌸🌸🌸🌸

ريم...رحت لغرفه بنين اريد اكللها شكلت
لامي ... اول مدخلت لكيتها بالكاع واكعه
وترفس و جانت تتقيئ ويطلع مثل الوغف

من حلكها جان منظرها يبجي الصخر رحت
ركض عليها لج بنين .. كومي بنونه شبيج

بنين...(احجي بتعب وتثاقل) جان لازم اسوي
هيج من زمان .. لازم اخلصكم من عاري اذا
بيوم رجع بابا كليله خلي يسامحني .. ما اكدر
ابقى عايشة وبطني يوم عن يوم دتكبر
اذا احد سالج كليله مريضه بأي شي .. سامحيني..

ريم...بقت كوة تحجي واني حاطتها بحضني
وابجي لجججج يييييييييييممه وينننججججج
الحكيني يمه .. بقيت اصرخ يمكن دقايق

ماكو اي حركة من بنين لا تشيل لا ايد ولا
رجل حطيت ايدي على رگبتها اريد اشوف
النبض ماكو .. باوعت على امي لكيتها

واكفه والصدمه على وجهها .. رحت على امي
اريد بس تحجي ماكو وكعت بالكاع .. بقيت
اهز بيها.. ماكو رحت جبت مي ورشيت

على وجهها جان تصحى وكامت تبجي و
تملخ بنفسها لج شبيها اختج شبيها ليش
ماتت هيج هاااااا... ااااااخ يا كلبي اخ

ابوج من جهة و موتت اختج من جهة ثانية
يبووووووووو لج ليش يمه بنتي بعز شبابها
وراحت ليش .. ربي لا اعتراض على حكمك
بس لو ما خذني اني ولا هي .. اخ يا كلبي
يمه بنيتي راح تنام جوة التراب لج بنونه

كومي يمه فدوة لكلبج كومي والله بعد
ما اتدخل بحياتج بس كومي حبيبة كومي
هيج يطاوعج كلبج تعوفيني اني امج
كومي يبعد روحي كومي اكيد هسه تكعدين
وتكولين جنت اشاقه وياج ...

ريم...بقيت لازمه امي وهي تبجي وتنوح
على بنين اريد اجرها من يمها ما اكدر ..
مجلبة بيها ولا اكدر اعوفها لوحدها...

رحت على الغرفه اخذت الموبايل واتصلت
على خالتي وكلتلها تجي هي والولد
رجعت على امي لكيتها مغمي عليها واذأنها
طاگه دم وخشمها  رحت عليها يمه يمه

واهز بيها .. يمه لج يمه رحت جبت مي
ورشيت على وجهها كوة تحرك براسها
يمه امي راح تموت بقيت اتصل على
خالتي بسرعه الحكوني امي حتموت

بقيت انتظر اروح واجي اندكت الباب رحت
ركض جان يطلعن خواتي ..

رقية...شبيج ريم ليش تبجين اكو شي

ريم...امي وبنين  وكمت اشهك بالبجي

ندى...شبيها امي احجي

ريم...بنين ماتت وامي مغمي عليها احجي
والكلمه كوة تطلع .. راحن ركض عليهن
بعدني مسادة الباب جان تجي خالتي