أوهام واقعية

البارت 21

#أوهام_واقعية

البارت_21

🌸🌸🌸🌸🌸رزان باسم🌸🌸🌸🌸

ابو سامر...شنو السالفه احجي سامر
وانتي لصمي حلكج لا اجي افركه الج ...

سامر...عمي بابا وانتو كلكم اسمعوني
من اليوم ريم ماكو كلية واليوم اجيب
السيد يعقد النا ....

ريم...شنووووو! مستحيل والله لو تبقى
اخر واحد بالدنيا ما اتزوجك افتهمت
من حجيت هيج ما احس اله سامر يجرني
من شعري .. عوفني الله لا ينطيك عوفني

سامر...اسمعي لج غصبا عليج تتزوجيني
واريد اشوف منو الي يتقرب منج اله
اذبحه .. وانتي لا تحلمين تصيرين لغيري

ام ريم...يمه بنيتي عوفها الله لا ينطيك
انشالله منين طلعتوا بحياتنا

ابو سامر...احترمي نفسج ولا تتجاوزين
لا تشوفين مني شي بحياتج مشايفته افتهمتي

ابو ريم...اششش لا تتجاوز يعني زوجتي
متحترمها .. كافي وكلكم اطلعوا برا ملينا
منكم برررااا و ما عندي مرة الكم يلااااا

ابو حسين...هيج صارت موو بسيطه

ابو ريم...اي هيج صارت اطلعوا برا يلا
وما عندي مرة الكم

سامر...ماشي عمي تطردني مووو زين
واذا اجيبلك دليل تنطيني مرة ؟

ابو ريم...ما اريد دليل اني واثق من بنتي
اعرف بيها متسوي اي شي وحتى لو كلامك
صحيح اني اعرف شلون اعاقبها ولا تاخذها
الك...

سامر...اني نهيت عليها بعد واي واحد
يقدملها اقتلها هي وياه مفهووووم

ريم...حضنتني امي واني اشهك من البجي
شلون فضيحه وشلون باجر اداوم

ام ريم...اهدئي حبيبتي اني موجودة
وابوج موجود محد يكدر ليمس شعرة منج

ريم...بعد جدال طويل وعياط راحوا عمامي
جان يدخل بابا وعيونه بكصته اول مرة
اشوفه بهاي الحالة بس جنت حيل خايفة
منه

ابو ريم...صحيح كلام سامر

ريم...بقيت ساكته ما اكدر اكول اي ولا
اكدر اكذب علية

ابو ريم...جاوبي(بعياط)

ريم...فزيت من صوته جان عصبي ويصيح
صحيح بابا فقير بس اذا عصب ميعرف احد
هزيت راسي بمعنى لا ما اعرف شلون كذبت

ابو ريم...متاكدة ما اريدهم يكولون معرفت
تربي ما اريد احد يتحكم بيجن ..

ريم...من كلت لا .. راحت العصبية منه

ابو ريم...عفية بنتي عفية بالسباعية
اعرف بيج متسوين هيج تربايتي اني ما
اريد عمامج يبطلونج من الكلية ولا
اريد اي واحد يتحكم بيج انتي وخواتج