أوهام واقعية

البارت 2

#أوهام_واقعية

البارت_2

🌸🌸🌸🌸رزان باسم🌸🌸🌸🌸🌸

ريم....بعد ما اخذت موبايلاتهن وحتى كسرتها
.. يعني بعد ميشتغلن اله يشترن موبايل جديد .

بس مع ذالك ابدا ما ثقيت بيهن بعد.. من رحت
للمدرسة ثاني يوم... احنا نروح سوه...مشينا
واني گالبة خلقتي عليهن ...

هنه ابدا محجن اي شي ... وصلنا المدرسة
رحت للصف سلمت على البنات ... كعدت برحلتي...اجت سرى سلمت عليه.. وكعدنا

نراجع دروسنا...بعدها اخذنا اول درس...
وطلعنا فرصه...اني بطبعي بالفرصه ابقى
بالرحلة مالتي ما اكوم... ابقى اراجع...

تقريبا للدرس .. الثالث اجت سرى بالفرصة
وكلتلي خلي نطلع نفتر .. بقت تلح عليه ..
هي الفرصه 5 دقايق .. طلعت وياها

دنفتر بالساحه .. جان تكلي خلي نكعد هنا
بين ميدوك الجرس .... رحنا كعدنا صدفه
شفت ندى ويه شلة بنات كاعدات ..

كلتلها سرى خلي نكعد قريب على هذيج
المجموعة ... كلتلي اوك رحنا كعدنا وهنه
ممنتبهات لوجودنا اصلا ... سمعت وحده

من البنات تكول لاختي ... خطيه انكسر فونج
وعود تتشمت بيها .. والثانيه تكللها خطيه
بعد متراسلين شباب ... وحده منهن

كلتلها انطيج فوني استعاره ...اسبوع سوي
حساب جديد وانطي طلبات لنفس اصدقائج
...كلتلها ندى ماشي علمود اكسر خشم اختي

المتخلفة .. واكللها غصب عنج ...هي حجت
هيج لو النار شبت بجسمي .. وتغلط عليه
اني كلت اغلس على كل كلامها بس من غلطت
لا... مستحيل اسكت

رحت يمهن ...اي ندى من هاي المتخلفة هااا
هي ارتبكت و وجهه صار ينطي الوان حجت
صديقتها ...و كلتلي انتي شعليج بيها هااا حياتها

وهي حره ليش تتدخلين وتسوين نفسج ...بس
انتي صحت بيها صوت انتي معليج اذا تدخلتي
ادفنج هنا افتهمتي هي صدوك خنست ...

طبعا ندى كامت تحجي تكلي لعد اني مجذبه
انتي صدوك هيج ... وكامت تتجاوز صلختها
براشدي .... خليت خدها دم من الضربه

كامت تبجي وتكلي اني اعلمج ... وتغلط
عفتها ورحت للصف سرى تركض ورايه
وتكلي يمعزاية لج خطيه هيج ضربتيها كدام
الطالبات ....

هي واني ساكته ...طبعا اني من النوع العصبي
كلتلها واني صاكه على سنوني ... سررررررررى
معليج انتي ماشي ... سكتت بس حسيتها

ضاجت .. شسويلها لعد اريد اربيها ومستعده
ادفنها وهي عدلة اذا بقت هيج اهم شي
ابويه ... حجيت بداخلي مر اليوم ورجعنا

للبيت...ندى تباوعلي بحقد بودها تموتني
وتخلص بالاضافه هي متكدر تحجي لان
لزمه عليها ... وابويه يصدكني بكولشي احجي