أوهام واقعية

البارت 12

#أوهام_واقعية

البارت_12

🌸🌸🌸🌸🌸رزان باسم🌸🌸🌸🌸

سناء...واني طالعه بالليل من بيت هناء
ما احس اله واحد جرني ..حط ايدة على
حلكي .. وشمرني بالكاع جانت الدنيا ظلمه

ما اكدر اشوف وجه شمرني بالكاع وهو
فوكاية اني ارفس وادفع بي بس هو جان
ثكيل ما اكدر اوخره وكام يجر بالحجاب

حتى ثوبي من فوك شكه ما اعرف اريد
اصرخ حاط ايدة على حلكي ما اعرف شلون
دفرته دفرة قوية بقى يلوب كام يتبرغل

يمكن سويت المسافه شبختين من الخوف
الطريق كولة امشي سريع من الخوف صعدت
سيارة .. بس جانوا الناس تباوع بأستغراب

عزة باوعت على حالي حجابي ماكو
والثوب مشكوك من فوك.. عزة وشعري
صاير كفشة .. بقيت اجر بالثوب منا ومنا

والعبرة خانكتني جانت اكو مرة كاعده بصفي
جبيرة بالعمر جان تنطيني حجاب مشتريته
كلتلي استري نفسج بي .. اخذته واتشكرت منها

ما اعرف حسيت الناس الي بالسيارة استحقروني او عبالهم اني من ذني الموزينات
لان شكلي جان دال على. وحدة متعدين عليها

نزلت يم الفرع مالتنا ولفيت نفسي زين
ورحت على بيت خالتي ام محمد دكيت
الباب خطيه طلعتلي ..

ام محمد...عزة لج هاي شبيج ليش هيج
شكلج ..

سناء...رغم ما لفيت نفسي بين علية لا خالة
ماكو شي هاي واني طالعه عثرت و وكعت
بالكاع

ام محمد...مو علية ذني السوالف تعاي ادخلي

سناء...لا خالة تعبانه اجيت اخذ اطفالي

ام محمد...نايمين من زمان تعاي ادخلي

سناء...لا خاله غير مرة .. دخلت كعدت
اطفالي اخذتهم وطلعت . ..مريم تمشي ويايه
وحسام شايلته على كتفي. ونايم ..وصلت
البيت .. كل واحد حطيته بفراشة باوعت
على الساعه جانت 9 ونص عزة .. رحت

سبحت وغيرت ملابسي دامشط باوعت
على ركبتي بيها اثار مال اظافر اتذكرت من
جنت بالسيارة شلون .. الناس تباوع علية

حرمات ما عرفت منو هو لان مشفت وجهه
باجر ما اروح اخاف .. معقولة يطلع كرم
لا لا.ما اعتقد لان اني 24 ساعه بيتهم يكدر
يسوي اي شي .. لا ميصير اشك بي

اذا هو حركاته تخلي الواحد يشك غصب
عنه بقيت افكر منو هذا وشيريد مني
انوب تذكرت البنات والشرب عيييع

خلصت كولشي ورحت يم اطفالي نمت
بليلتها حلمت ..لان دامشي بطريق اني
واطفالي وهالطريق ما بي اي بشر واظلم

لان من بعيد وكفت كدامي سيارة ونزلوا
من عدها 4 شباب وتقدموا حاوطوني واحد
اخذ اطفالي والثاني يشكك بملابسي واني
اريد اصرخ صوتي ميطلع لان بالحلم اجه