My Love Game App(COMPLETED)

Chapter 30

Dumating si Sarah sa lugar kung saan sila magkikita ni Azul.

Mabilis siyang tumayo sa kinauupuan ng makita ang ginang. "Anong gusto mo at nais mo raw akong makausap ng masinsinan, babaeng mortal? Hindi ka ba natatakot na baka patayin kita ngayon?" masungit na tanong ni Sarah.

Hindi nagpatinag si Azul sa presensya ng ginang. Taas noo niya pa rin itong hinarap at ngumiti ng bahagya "Alam nating dalawa na kahit pa ayaw mo ako ay hindi mo ako magagawang patayin" itinaas ni Sarah ang kaniyang kaliwang kilay at hindi kumibo.

"Alam kong hindi ka pumapatay ng inosenteng tao, maraming salamat pala sa pagpunta mo rito" nakangiting sabi ni Azul. 

Mukhang naweirduhan naman ang ginang sakaniya kaya kumunot ang mg kilay nito "Ano ba ang ating paguusapan? Siguruduhin mong hindi iyan maaaksaya ng oras ko" masungit niya pa ring turan.

Huminga ng malalim si Azul bago nagsalita, "Nabanggit ni Dash sa akin na sinagip mo raw siya sa isang Black Psyker noon. Yung Black Psyker na tumangka sa buhay ni Dash ay binawian mo ng buhay... Natatandaan mo pa ba siya?" mariin niyang tanong.

"Hindi ko alam kung anong gusto mong iparating babaeng mortal, pero para masagot ang walang kwenta mong katanungan, oo natatandaan ko pa siya." ani Sarah. "Hinding hindi mawawala sa memorya ko ang mukha ng black psyker na iyon." dagdag pa niya.

"Ito ba ang Black Psyker na iyon?" tanong nito.

Inilabas ni Azul ang letrato ng kaniyang ama at pinakita ito kay Sarah. Malakas ang kutob niya na ang ama niya iyon. Pero para makasiguro ay gusto niya pa ring malaman ito mismo sa ginang.

Sinuring maigi ni Sarah ang larawang pinakita ni Azul. "Hindi ako nagkakamali, ito nga iyon. Nakucurious ako, at bakit naman mayroon kang larawan ng lalaking ito?" kunot noong tanong ni Sarah.

Katahimikan ang namayani sa pagitan nilang dalawa.

–

Naupo si Azul sa kaniyang kama. Ang utak niya ay parang sasabog na sa mga impormasyong nalaman niya. Ang kaniyang ama ay ang Black Psyker na kumitil sa buhay ng mga magulang ni Dash, at muntikan na niya ding mapatay ang binata kung hindi lng dumating si Sarah.

At ngayon nakikipagsabwatan ang kaniyang ina kay Cloud para makaganti kay Sarah. Nalilito rin siya kung paano nga ba nagkakilala ang dalawa dahil wala siyang natatandaan na nabanggit ng kaniyang ina ito sakaniya. Ngayon lang.

Ano na ngayon ang gagawin niya? Parehas niyang mahal ang kaniyang ina at si Dash at parehas niya ding ayaw saktan ang mga ito. Pero kaninong side ang susundan niya?

Kapag nalaman ni Dash ang tungkol sa ama niya paniguradong kamumuhian siya nito. Siya ang anak ng kumitil sa buhay ng kaniyang mga magulang.

Sa totoo lang, hindi niya alam kung makakatingin pa ba siya ng deretso sa mga mata ni Dash sa susunod na magkita sila. Nahihiya at naguguilty siya sa nangyari sa pamilya ni Dash.

*Ring ring

Inabot niya ang kaniyang cellphone at mabilis na sinagot ito.

Zayn: [Azul, si Zayn to. Libre ka ba bukas? Maari ba tayong kumain?] tanong nito. Ngunit hindi niya ito sinagot.

Zayn: [Ayos ka lang ba?]

Azul: [Zayn, may favor sana ako sa iyo.]

Kinabukasan, maagang nagayos si Azul. Magkikita sila ngayon ni Dash. Kinakabahan siya.

Ilang oras pa ay nakarating na siya sa mall.  She keeps repeating to herself that she can do it. Wala siyang ibang choice, para rin naman ito sa ikabubuti ng lahat.