صديقات على مر الزمن

بارت7

#حنين_حاتم

#لااحلل_الأقتباس_من_دون_ذكر_اسمي

#صديقات_على_مر_الزمن
صديقات رغم المحن 💔.....بارت7

شوية شوية بدة يتغير من حس وتأكد انو هوة كسب ثقتي وحبي
بدت غايتة تضهر بس جنت انطي اعذار كل مرة

بدة يطلب شغلات متعجبني وكل مرة اصدة بعذر معين
جانت حجتة اسراء احنة واحد مكتوب للثاني واني للموت ماعوفج ليش تصديني ليش من اطلب منج هلشغلات متلبيلي

اعذاري جانت مختلفة وبكل مرة اطلعلة عذر احسة ينزل من عيني شوية ونضرتي تجاهة تتغير بس ماجنت اتجرء افكر انه اعوفة موحب بس تعلق
تعلقت بي الى درجة مااكدر اوصفهة وهوة هم لوتي
علي فد اسلوب وكريزما رهيبة رغم شكلة موحلو
كصير اسمر وشوية سمين وجهة محفر معانية زغار ومابي اي شي مميز
من شفتة بدة يلح بطلباتة الي متعجبني ولااتخيل نفسي بيوم انفذهة الة
قررت احط حد لهاشي واكلة اخطبني اذا صدك يحبني راح يجي وميتعذر واذا لاء اشوفلي صرفة ويا
وفاتحتة بلموضوع رحب بلفكرة وكلي اسراء اني من لاول كتلج رايدج
واتفقنة علجمعة يجون اهلة ماحجيت لأمي اي شي
اجن امة ومرت اخو خطبن علة اساس وحدة من جوارينة مدليتهم
امي سمعت شرطي ومواليد 82 ومعدان سكنهن طويريج واهلة حجيهم مال اهل العمارة
رفضت رفض قاطع بدون حتة متنطيهم سبب يذكر
بيومهة بجيت بجي ماصاير خابرتة كلي لتخافين اني ماعوفج وستمريت ويا علة نفس وضعنة ماتغير شي
الى ان بيوم جنة بلدوام ودنسولف اني ولبنات ونحش بلمدرسات
....................................................
هية كالت هيج واني احس واحد وضربني حيل علة راسي
ضليت لااخذ ولاانطي وعيوني مفتوحات علة حيلهن نزلن دموعي درت وجهي سويت روحي داباوع علمحلات والملابس
يعني خاطب و بعد شهر لعرسة وهوة يوهمني بلحب ويكلي زمن احبج ورايدج
حسيت وجع قوي براسي وكمت اشوف وجه نبأ اختي لونة اسود وكلشي داير مدايري بدة يضلم ثواني وغمضن عيوني وبعد ماحسيت علة شي
فتحت عيوني بلمستشفى وامي ونبأ فوك راسي وام مصطفى وياهم
بس صارت عيني عليهة خنكتني لعبرة وبجيت امي تقربت يمي

ماما ليش تبجين بنيني شيوجعج

اشرتلهة علة راسي وبداخلي اريد ائشر على كلبي اكللهة هاذ يوجعني يمة

تقربت يمي المرية تعدل بحجابي كلتلي لحمد لله على سلامتج خالة راسج لان هبوط عدج ديوجعج حطولج ابرة بلمغذي وهسة تصيرين زينة
اني ائشرلهة براسي والدموع يجرن
اريد اكللهة خالة البية من ورة ابنج
خالة ابنج دمرني
وهية تحجي ويانة دك تلفونهة وطلعت برة لردهة تحجي

امي تقربت يمي

موكتلج اكليلج لكمة شلون ميصير هبوط وانتي واختج عايشات علأندومي

واني بالي مويمهة
بالي يم حجايايتة
زمونة اني احبج ولج شنو احبج هلكلمة قليلة بحق المشاعر الي بداخلي ولج اعبدج اني
واعبد لكاع التمشين عليهة
مافديوم طلب صورتي ولافديوم اسائلي بكلمة اوطلب مني شي موحلو
كل ضني يحبني ويريد يحافض علية
تاري عدة وحدة وتارسة عينة شلة بصورتي وشلة بخلقتي