#حنين_حاتم
#صديقات_على_مر_الزمن....بارت19
صديقات رغم المحن💔
اسرا: جنت كاعدة عصرية اتغدة توني حالة من الدوام طبت غدير ووياهة نور
غصيت والكمة وكفت بزردومي
شجابهة يربي كوة جاي انسي روحي
ضليت كاعدة بمكاني ماتحركت طبت وكعدت كبالي علصينية دنكت وتبجي
ضلت تبجي وغدير سدت لباب علينة وطلعت
نور شجابج كوة نسيت لسالفة وتغاضيت عنهة صداقتنة راحت ولا عندي كلب يسامحج علة عملتج بية شكو جاية
اسراء اني ماريد تسامحيني بس اريد اشرحلج شلون هلشي صار
صدكيني مابنيتي اسوي هيج والله ولاتتصورين حاطة ببالي اخذة منج
بس انتي اكثر من مرة سألتج وكتيلي اني وعلاء نتهينة وكل تواصل ماكو بيناتنة
وهوة هم اكد كلامج
ضل يحجي وياي بين مدة ومدة بحجة يسأل ويسلم الى ان كلي اني حبيتج واريد اسوي وياج علاقة واذا نسمجنة اجي اخطبج
رفضت وكتلة مستحيل
ضل يلح ويخابر ويدز رسايل والله حبيتج والله اريد اخطبج
ماجذب عليج اني هم نعجبت بي اسلوبة طبيعتة وكعني من اول مكالمة مثل ماوكعج
وانتي تعرفين وضعي
دنكت تبجي حيييييل
تعرفين اني وجهي محروك وجسمي نصة متشوه ماجنت اتصور اكو ولد ينعجب بية ولا اصلا جنت متخيلة انخطب واتزوج مثل لبنات
اني ماخنتج والله حاولت بس ماكدرت اكو مشاعر بداخلي ماكدر امنعهة لمحبة من الله موبيد لبشر
حطت اديهة علة وجهة ودنكت تبحي وجسمهة يختض
اسراء اني عرفت غلطتي و رفضتة والله وكتلة لاتجيب اهلك ولاتوصل لبيتنة وخطي كسرتة وبابا نقلني لغير مدرسة حتة وجهي بعد مراح تشوفي صدكيني ماجنت رايدة اذيتج والي صار خارج عن ارادتي اتمنة تسامحيني ونرجع مثل ماجنة وترجع صداقتنة اترجاج اعفي عني لاتشلين بكلبج علية ولاتدعين والله ماناقصني هموم
انسي وخل نرجع مثل قبل وعتبري كل هاذ ماصار
اسراء : لاتخافين مادعيت عليج ابد وتدرين بية ماشيل بكلبي لو فعلا حاقدة جان مافرغتج من ادين لبنات رغم نار كلبي بلحضتهة
وسامحتج مو هسة اصلا بلحضتهة سامحتج ودعيت الله يوفقج اذا هلشي بي صالح الج
بس نرجع مثل قبل لاااا
لويبقة اخر يوم بعمري ماراح ترجع صداقتنة نفس قبل ولاراح انسة جرحج
ولا انسة نضرة الشمات الي تشفو مني من سمعو هلخبر
ولا انسة غدرج الي
علاء مايعنيلي شي ومو اني الي اخسر صداقة علمود واحد مثل علاء بس الي صار كسر كلشي جان بيناتنة ولأفضل نحط بينة مسافة جبييرة احسن الية والج
كمت شلت لصينية وطبيت للمطبخ وعفتهة
كعدت بلكاع وابجي ياربي ختبار صعب كلش صعب كلبي يوجعني كلما اتذكر حبيبي وصديقة طفولتي علة علاقة حب واني مثل الثولة علة عمة عيني وكلشي مادري ماحز بنفسي غير انهم جانو مستغفليني وثنينهم يمثلون الدور علية ولا كأن صاير شي بينهم
أنت تقرأ
صديقات على مر الزمن
ChickLitصديقاتي ثمة حكاية لم يرويها لكن قلبي دمتن لي عمرا يا اجمل صدفة ويا احلى قدر حنين حاتم
