#حنين_حاتم
#صديقات_على_مر_الزمن...بارت37
صديقات رغم المحن 💔
سمر: وبكل مرة جنت اروحلهة اشوفهة لابسة ملابسة
وصارت عادة عدهة ماتلبس غير ملابسة وملابسهة نستهن
الى ان اجة اليوم بدت اسراء تطلع من الجو الي حبست نفسهة بي
سجلت بدورات تنمية بشرية وصارت تداوم وتشغل نفسهة
جان لازم تطلع من البيت
لان عقلهة الباطن جان يوهمهة انو الخروج من غرفتهة راح يحرمهة من شوفة ريان
الي وهمت نفسهة انو هوة عايش
اني ولارا بين فترة وفترة نمرلهة
للجامعة ابد مااخذناهة
بس نطلع مولات لو مطعم
وعدت سنين الجامعة سنة ورة سنة
ماكو شي جديد
بس لارا ورامي نخطبو بلمرحلة لاخيرة من بعد مشاكل هواي صارت بينهم
سببهة عصبية رامي وحساسية لارا المفرطة
جان يحبهة كلللش
بس بوقت عصبيتة يحرك الأخضر واليابس
ويخرب كلشي بلحضة عصبية
بلبداية واجهو هواي مشاكل بسبب التناقض الجبير مابين شخصيتهة وشخصيتهة
بس لحب جان اقوة
وبلحب كدرو يتغلبون علة كل هلمشاكل
وتعودو على طبيعة بعض
وصارت لارا تعرف بأساليبهة تمتص غضب رامي
وهوة بسبب حجيي والحاحي المستمر واني اكلة لارا حساسة لارا ام دميعة
لازم تراعي هلشي بكل كلمة وبكل تصرف يبدر منك
صار ينطي من روحة
ويجي على نفسة ويحاول بلحضة العصبية يوخر عنهة حتة لايذب غضبة عليهة
وفهمو بعض وتأقلمو
ونهاية حبهم كانت جدا سعيدة وحلوة
سوو حفلة خطوبتهم بلجامعة
بيومهة تونسنة وفرحنالهم
وفاجئتنة اسراء الي اجت وشايلة بوكيه ورد وقدمتة الهم
قبل بيوم توسلت بيهة لارا حتة تجي بس كالت مااكدر وتعذرت منهة
بس ماكدرت تفوت هيجي يوم
بجت وهية تحجي وية لارا وتكللهة
لو انطيكم من سنين عمري ماراح اجازيكم علة وكفاتكم وياية
جبتوهة من الاعدادية توكفولي بلزين والشين
ومايوم حسبت حساب شي
واكول عندي خوات ينشد بيهن الضهر
ووكت العازة يصيرن بألف رجال
حضنت لارا وباركتلهة
وحضنتني وهية تكلي
ماانسة اليوم الي ضربتي نور بي علمودي
وماباليتي لاي شي ماحسبتي حساب تنفصلين او تخسرين مستقبلج بسببي
من يومهة عرفت ان ماعندي صديقات
عندي كنز ربي عوضني بي عن هواي اشياء نحرمت منهة
وجودكم بحياتي يعنيلي الدنية ومابيهة
عسة مانحرم منكم
انتو اهل وعزوة
وعدت فترة طويلة واسراء هواي تقدمولهة بس جانت ترفض بدون متعرف اي تفاصيل
واني هم تقدمولي اكثر من شخص وبلكوة جنت اخلص نفسي من الحاح امي بحجة دراستي
وبلكوة ينسد الموضوع ويرفضون
من بعد مايهلكني وياخذ من تغكيري حيز
وخلصت الجامعة وتخرجنة
وسوينة 3 حفلات وحدة احلة من الثانية
وثالث حفلة جانت بلقاعة
الهندسة والأدارة وقتصاد والقانون سويناهة بنفس القاعة
حتة الخساير تقل
ركصنة وطكينة صور وتونسنة
بس مادامت الفرحة
لمن صاحو اسم ريان
ودخلت اسراء وهية شايلة صورة بأديهة
صورة من جان صاحي ومثل الكمر طول وجمال وهيبة
ووحدة من تمرض واخذ حيلة المرض وشكلة تغير حييل
اعاين عليهة الدموع يجرن ودخلت
واعاين علة صورتة لابس قاط وشنو الطول شنو الجمال
والله حرام هيجي شاب تطمة الكبور
أنت تقرأ
صديقات على مر الزمن
ChickLitصديقاتي ثمة حكاية لم يرويها لكن قلبي دمتن لي عمرا يا اجمل صدفة ويا احلى قدر حنين حاتم
