#حنين_حاتم
#صديقات_على_مر_الزمن......بارت30
صديقات رغم المحن 💔
منين جبتنة هاذ
يسر: غلط وفشار علة امي وعلينة وصوتة يجيب التايه
فرغنة امي من ادي
ولضرب شي علينة وشي عليهة
كلة لان خطبني انسان محترم
يكل لامي شلون خطبهة وليش قندرتيش هية ويخطبهة محامي
هاذي جانت ردة فعلة عن خطوبة سالم الية
مقهور لان بنتة اجاهة نصيب زين وتريد تنستر
يمكن لوخاطبني زبال جان فرح حييل ورأسا نطاني
بين صياحنة وصياحة
طب قيس
ندار علي ابوية متفاجئ
وهوة يشوف شاب طول بعرض مربوع صاحب لحية وشارب كثيفات وصوت خشت كلش وجهوري
ذاكة الطفل الي بيوم من لايام وعد امة انو من يكبر راح يغير وضعهة
راح يشتغل ويعيشهة ببيت كريمة ومستورة
شافة ليوم وفة بوعدة
جان رجال عكس ابو
الي ماعرف يقدملنة غير لاذية بكل اصنافهة
ندار علة قيس الي ماجان يعرف شي عن جية سالم ولاعندة خبر عن معرفتي بي
حاول يلوف السالفة علينة ويخلي قيس بجانبة
وهوة يدك علة جتفة ويكلة
هلة بلسبع .الي نايم والمي من جوة رجلي
خواتك يلعبن شاطي باطي
هاي لمدام جايبتلنة واحد من الدفانة النجفين((عذرا من اهل لنجف علة هلكلمة ))
منعرف اصلة من فصلة ومنين عرفتة وتريد تتزوج
لا وجايني لوحدة يخطب عود احنة مصرين
قيس تفاجئ بلسالفة وضاج لان هوة اخر من يعلم بس مانطة بينة ابد
وكلة اني اعرف وعندي خبر بلموضوع الولد راد ياخذ كلمة منك يلله يجيب اهلة
ندار علية وهوة يخزر بية ميدري اني نفسي مااعرف
بجيتة
قيس اخذ ابوية وطلع
وطبينة جوة امي تلوم من صفحة وتمارة من صفحة شوية واتصل عباس
وكعد يحجيلنة عنة وكل لامي نطيهة ترة لولد درة ماينرفض وبضمانتي نطوهة
ومرت ايام ودز اهلة
جنت خايفة كللللش واتفقنة انه ابوي منخلي يحس علة اي شي ولا ننطي خبر
وامي شرطت عليهم انو اكمل سادس يلله نتزوج ووراهة ادرس جامعة عندة
لان ابوي منطيني باص انو جامعة ماكو نهائيا
يعني بكل لاحوال لازم اتزوج يلله اكدر اكمل جامعة
واجو اهلة ومشو واتفقنة علة كلشي
وكالو ورة اسبوع العقد
جان طاير فرح وكدام اهلة واهلي باسني من راسي وطلعنة للمنتزة
وورة اسبوع اجو وعقدنة بدون محد يعرف حتة اقاربي ماعدهم خبر
وامي كالت لحد متزوجين مننطي خبر ونخلي عرسج هناك بلنجف يصير
وخلص لعقد وراحو كاعدة اني وتمارة نطك صور
جنت لابسة بدلة بسيطة وتمارة سوتلي تسريحة بلبيت ومكياج وعدسات
يعني طلعت حلوة
لباب تندك
الدكة الي كلنة نعرفهة
ركضنة للغرفة نبدل وامي تعزل بلبيت وتشيل اي شي باقي من الحفلة
وطلعت فلوس تنطيهن الة تسد حلكة
اني غسلت وجهي وسحلت لماشات شعري تهلس بدية من كد لعجلة
وتمارة حتارت مدري تبدل مدري تبدل لبتهة جانت مسويتلهة تسريحة وملبستهة بدلة بيضة
أنت تقرأ
صديقات على مر الزمن
ChickLitصديقاتي ثمة حكاية لم يرويها لكن قلبي دمتن لي عمرا يا اجمل صدفة ويا احلى قدر حنين حاتم
