#حنين_حاتم
#صديقات_على_مر_الزمن بارت 15
صديقات رغم المحن💔
لارا: طلعت بوجهي للحمام جان واكف يتوضة علمغسلة والمغسلة تصير بباب لحمام
ستحيت اطب
ضليت واكفة بلصالة علة جهة كمل وضوئة تقرب يمي كالي صباح الخير
رديت علي
تبحبح شوي بصوتة وتلفت منا ومنا ركز نضرة علية كلي اني اسف علموقف الي صار لبارحة مياسة حجتلي كلشي
بس شنو هلبرائة ولطيبة هاذي شكلج بت دلال ومحد مصيح عليج قبل
صفنت بكلامة لأول مرة انتبه ان اني فعلا مدللة ماتذكر احد صيح علية غير مرتين بابا ضربني بيهم وصيح
كتلة لا بس شوي خوفتني
اني اسف مرة ثانية وارجو المعذرة بس جنت حييل مزعوج وعبالي وحدة من خواتي لمن صيحت ومن فتحت لضوة تفاجئت بيج تبجين
عادي مصار شي
اكيد بس ماريد هلموقف يكون انطباعج لأول عني ترة اني حباب ههههه
هههههه
ضحك وترخص وراح يصلي
ركضت للحمام كملت وطلعت جان يصلي ويطول بلركعة حسيتة خاشع وصلاتة مال انسان ملتزم مومثلي ركض ركض
راح جاب صمون وريوكات جانت بس امة كاعدة ولبنات نايميات رادت تكعدهن يسون ريوك ماخليتهة كتلهة اني موغريبة اني اسوي
وكفت علطباخ اشتغل طب وبيدة علاليك حطهن علميز وصاح علة امة كلهة كعدي لبنات
نداريت علي كتلة لا امانة الله خليهم خطية تعبانبن اني اسوي
كال ماشي وبلمرة نضوك طبخج
ضحكت كتلة اوك بس موتعيب
كال اشوف واحكم
كملت وحطيت لصينية كعدنة اني وبيبي وامة جنت مكلية ماعون بيض وطماطة وماعونين بيض وبصل نتبهت علي خلص ماعونة كلة ومد ايدة ياكل من ماعون امة اني اكلت كيمر مااشتهي لبيض
لمن كمل جان واكف يغسل واني بلصالة بعدني كاعدة علصينية ندار علية جان يسويلي اوك بيدة اني ضحكت عرفت قصدة علأكل امة وبيبي ركزن ويانة بيبي خزرتني وامة بتسمت جانت تبتسم الي والة احسهة حابتني حيل
بعد ماكدرت ابررلهم
رحنة زرنة اني وبيبي لان جدو ماكدر يجي ويانة ضل نايم
من رجعنة جانت ضهرية طبينة جانن خالاتهم ثنين موجودات وامي جاية هية وبابا وسارة اختي
طبينة سلمنة لبيت صاير هوسة
ساعدت لبنات بلطبخ ومدينة سفرة تغدينة وكلما ارفع عيوني جنت الكا يباوعني وبس تجي عيني بعينة مباشرتا ينزل عينة بلسفرة
لحد ماكمت ماارفع راسي ابد
ورة لغدة خالاتة رحن بيوتهن قريبة
طبينة لضهر بغرفة امهم لان جانت دافية وابو وجدو نامو بلصالة منكدر نسولف
لغرفة جانت جبيرة وبيهة غرفة نوم دقايق وطب امير يمنة خلة تلفونة علشحن وكعد علة كرسي جان محطوط بضهر لباب
أنت تقرأ
صديقات على مر الزمن
ChickLitصديقاتي ثمة حكاية لم يرويها لكن قلبي دمتن لي عمرا يا اجمل صدفة ويا احلى قدر حنين حاتم
