#حنين_حاتم
#صديقات_على_مر_الزمن...بارت20
صديقات رغم المحن 💔
قريت لرسالة مكتوب ذكريات اني رغد ليث دكي علية ضروووري من تشوفين لرسالة
عرفتة ليث رأسا رمشت علي لان رصيد ماعندي
دك اول ماكلت الو صاح ذكريات هاي انتي
وينج بالي يمج ليش مادكيتي مودزيتلج رسالة
ماقريتهة
ليش
جنت بلمستشفى
شبيج خيرج
ليث اذا عندك شي مهم كولة تعبانة واريد انام
تنهد وجر حسرة
ذكريات لاتعتقدين الحجي لي حجيتة من كل كلبي
ترة روحي بيج والله بيومهة مانمت
اني ماكملت حجي وانتي سديتي ترة عندي كووومة حجي وياج
اي احجي يلله منو لازمك اكو بعد اتهامات تريد توجههة الي اكو بعد حجي يوجع تريد تمرمر كلبي بي اكو رزايل بعد كول رزل صيح يلله
ذكريات كافي
حطيت ادية علة وجهي ودنكت ابجي واسمعة يصيح الو
مسحت دموعي ورجعت شلتة
ها ليث شنو الي تريدة تعبانة وحق الخلقك ومالي خلك كلشي روحي مطايقتهة اذا ترريد توجع كلبي
فأبشرك كلبي موجوع بمافيه الكفاية
لا حبيبي موهيج اني اريدج تسمعيني
انتي بيوم الي خابرتيني وكلتي اخوج لكفج تحجين وياي وطلبتي مني اجي اخطبج
اني رغم بعدني طالب ومامكون نفسي بس كلت ماضيعج من ايدي وماترددت لحضة ورحت فاتحت اهلي وكتلهم اذا متخطبوهة الي اعوفلكم لبيت وقبلو بعد الحاح مني رغم خواني ثنين اكبر مني بعدهم ممتزوجين ولمفروض يتزوجون يلله اني وراهم
سألوني منو الي تريدهة نعرفهة
كتلهم طالبة وية رغد بلمدرسة وكعدت احجي عن اخلاقج وادبج وتربيتج وامجد بيج
الى ان سأاتني رغد منو هاي البنية شسمهة
نطيتهة اسمج لكامل مجرد ان سمعتة ضربت علة صدرهة وشهكت
شنووووووو ذكريات الي بلخامس الف
وكعدت تحجي عنج ذكريات كذا ذكريات كذا
جذبت حجيهة وصيحت عليهة وحتة ضربتهة هية من حركت كلبهة شلون سويت هيج
ركضت خابرت بت عمي نرجس وياكم بلثالث وفتحت مايك وسألتهة عنج
جان تكللهة يووو ليش اكو واحد ميعرفهة ونفس حجي رغد نعاد وحلفتلي علقران علة كل حرف كالتة امي وابوي تخبلو
خو ابوي كلي تكطع علاقتك بيهة واذا جبت طاريهة بعد متلفي للبيت واخذ تلفزني راد يكسر لشريحة وتلاويت ويا وعليت صوتي علي وتدخلو خواني لكبار وصارت مشكلة الهة اول مالهة اخر
عفتهم وصعدت لسيارة ومن خابرتيني جنت منجن بسبب الحجي ولوشايفج كدامي يمكن جان سويت بيج شي لان خواني حجو بشرفح وتلازمنة وابوي طردني من لبيت ومن يومهة اني ببيت عمي
سكتت شريد ارد علة حجية واني سبب كل لصاير ويا
ذكريات اني فكرت لكيت روحي ماكدر بلياج
والي صار ماضي واني اعرف شلون تغيرتي ومراقبج بنات خالتي ثنين بلمتوسطة وياج يجيبلي كل اخبارج
اني رايدج ذكريات وسبق وان كتلج للموت وياج واني رجال وعد كلمتي
بس بعد لصار صعبت لسالفة كلش وصارت شبه مستحيلة
الي اريدة منج راح يحل لشغلة كلهة وبأذن الله تسهل واجي اخطبج ومن عيوني
أنت تقرأ
صديقات على مر الزمن
Chick-Litصديقاتي ثمة حكاية لم يرويها لكن قلبي دمتن لي عمرا يا اجمل صدفة ويا احلى قدر حنين حاتم
