#حنين_حاتم
#صديقات_على_مر_الزمن.....بارت 32
صدييقات رغم المحن 💔
لارا: لعصر ندكت لباب واحس كلبي ندك وياهة
لا فتحت باب غرفتي ولا عتبتهة
واعرف لرد مثل كل مرة
بس مانكدر نستسلم ثنيناتنة
جنت بس رايدة ينطو كلمة واكمل دراستي يلله ارتبط
كاعدة ورة باب لغرفة بلكاع واذني طابكتهة علباب
كلشي مااسمع
لحد ماسمعت عيطة بيبي وهية تصرخ علة ام امير
وتكللهة
تتذكرين شلون اجيتكم اتوسل بيج انتي وامج حتة تنطونة زهرة لرزاق
ولج ابني 3 مرات نتحر ووصل الموت من وراكم
وهسة ترديني انطيكم لارا
ولش انتو مانكسر خاطركم علة رزاق ولا قدرتو جياتنة
طلعي برة بيتي كل مرة ماالكم عدنة
البينة وبينكم مايمحي لوقت ولا تتخيلين انسة دموعي الي نزلت واني اترجا امج
بس حتة تقبل
ام امير: ام رزاق واني شجان طالع بيدي
ابوية جان رافض ورايدهة لابن عمي
انسي لصار احنة ولد اليوم ولاتخلين الحقد يعمي كلبج
اني الي يعمي كلبي الحقد
طلعي برة وبعد لاتوصلون لبيتنة لاابنج يناسبنة ولا انتو من ثوبنة
دنكت راسي بين رجلية وابجي
ليش الي يدك لباب مايردونة
ليش الي خايف ربة ويدور الحلال هيج يسون ويا
مسحت عيوني وفتحت لباب وطلعت لكيت بيبي ستوهة طابة من برة
وكفت ودموعي مالي سيطرة عليهن
كتلهة طول عمري اسميج اماني وسندي
وتفهميني من عيوني
ليش ليوم وكفتي ضدي ودورتي ثارات وماعرفتي انو كلبي صاير وصط هلمعركة
معركة الحقد الي ماالي كل ذنب بيهة
اني شنو ذنبي بسالفة زهرة ورزاق وليش هيج يصير بية
ليش تستخدميني وسيلة تاخذين ثارج بيهة
ترة هاذة كلبي الي واكع بيهة
اعفيني من سوالف لحقد ورحميني
لاتصيرين ضدي
عافتني احجي وطبت جوة تكلب تلفزيون
اجيت كعدت كبالهة دمي فاير وبرودهة يفورني اكثر
بيبي لاتجبروني اسوي شي ينزل راسكم
هية كلمة كلتهة من غير ادراك لمعناهة
طلعت مني من غير تفكير اصلا
حسيت شي اجة براسي خلة الدم يطفر
من قوة حركة ايدهة حتة مافرزنت بشنو ضربتني
نجفيت علكاع وايدي علة كصتي
ويمي كزاز بلكاع
ولدم يتدفق من بين اصابعي
كمت علة حيلي للمطبخ ادور لزاكة جرح لحكتني تريد تشوف شبية عفتهة وطبيت للغرفة
كعدت بلكاع ابجي
شوية وطبيت
عبالي جاية علمودي
طبت سحبت التلفون والحاسبة من عندي وطلعت
وهية تعربد
اريد اشوف منين تخابرين هاذ المعيدي ابن المعيدي
مرت ايام ولياي اني مااطلع من غرفتي
علة كد الكمة والحمام بس
دراستي هملتهة امير ماعندي ويا كل تواصل
وبيبي هية هية
وحقدهة عليهم يزيد مينقص وماما تعزف علوتر الحساس وتحجي براسهة
أنت تقرأ
صديقات على مر الزمن
ChickLitصديقاتي ثمة حكاية لم يرويها لكن قلبي دمتن لي عمرا يا اجمل صدفة ويا احلى قدر حنين حاتم
