#حنين_حاتم
#لااحلل_الأقتباس_من_دون_ذكر_اسمي
#صديقات_على_مر_الزمن
صديقات رغم المحن 💔
#حنين_حاتم
راحت ايام واجت ايام وابوي بعدة علة وضعة لشغل تركة كاعد بغرفتة 24 ساعة ومهموم حتة الأكل كوة ياكلة
لشارع نادرا مايطلع
جان مقهور حيل وحقة يعني مرات واحد تروحلة 100 الف شيصير بي موهلمبلغ واجن بطلاع لروح
تعب عمرة
سنين من عمرة فاتت وهوة يفضل لشغل علة راحتة
الولد حاولو هواي ويا بس هوة نفسيتة حيل نتكست ولمرض جان يوم عن يوم يزيد
الى ان فديوم جنت ناوية اغيب لان بيومهة مادري شبية مختنكة والدنية طالعة من عيني بس امي ماقبلت اغيب كلتلي داومي غيري جو بلمدرسة احسنلج من كعدة لبيت
داومت ونفس لشي حتة لبنات حسو علية
كوة خلص اليوم ودك الجرص للبيت
لبست وطلعنة ركبنة لسيارة اني وغدير اختي نزلنة لخط علشارع ونزلنة علترابي طبينة بلفرع مالتنة
بيتنة يصير بعيد عن لشارع بلفروع
ولسايق ميكدر يطب
نزلنة نتمشة اني وغدير طبيت بفرعنة شفت زلم هواي ناس معكلة وولد شباب وجهال
تقربنة شوية شفت سيارة وجاي يربطون جنازة فوكاهة
وكتهة تذكرت جان اكو رجال جوارينة حايط علة حايط كلش مريض وجبير بلعمر جان يعالج واخر ايامة
جريت حصرة وكلت خطية هاذ ابو سرمد الخباز مات الله يساعد اهلة
الله يرحمة برحمتة لواسعة
اباوع احمد اخوي يبجي واصدقائة يشبكون بي
احجي وية روحي خطية احمد اخوي جان حيل يحب ابوسرمد حيل
اوووف شلون يبجي علي
زين ذولة جهال علياء اختي شيسون هنانة
وصلت يمهم احمد اشرلي طبي جوة وغدير ركضت علة جهال علياء تبوس بيهم
من لباب شفت لنسوان ببيتنة يلطمن وامي بلكاع كاعدة وتبجي وعلياء تملخ بشعرهة
طبيت اباوع بلوجوه شصاير شصاير
محد بحالي ولااحد لتفتلي كلهة تصرخ وتبجي لحد ماصاحت علياء ولك يابة يتمتنة علة زغر ليش والله ماشبعنة منك محتاجينك
كعدت علة حيلي اني وعباتي وحذائي
بس دموع يجرن واباوع بعيوني
يعني ابوية الي جان حتة لدوامة ياخذني ويا راح
يعني راح اصير يتيمة
بحياتي ماحاضرة فاتحة ولااعرف شنو طقوس الفاتحة
ناس تلطم وتصرخ وتبجي
واني بس دموع تجري واحجي ويا
بابا والله مانريد لبيت نريدك انتة
محتاجينك خرب بلفلوس وخرب بلبيت فدواتك والله يابة ارجع
فداك البيت والفلوس وكلشي
بابا صعبة نعيش بدنية مابيهة حسك ارجع يابة ارجعلنة سند وضهر
ضلمة دنيتنة بدونك والله ضلمة
بابا بحاجتك والله كلنة بحاجتك 😔
أبي
عليك السلام يا روحاً تمنيت أن يدوم
بقاؤها وعليكَ المغفرة يا أعز من رحل
أبي .. بكيت عليك فقداً .. بكيت عليك ألماً .. بكيت عليك شوقاً
ﺭﺑﻲ ﺍﻧﻲ ﺃﺷﺘﺎﻕ لأ بي ﻓﺰﺩﻧﻲ ﺍﺟﺮﺍًﻋﻠﻰ ﺷﻮﻗﻲ ﻭﻳﻘﻴﻨﺎ ﺑﻠﻘﻴﺎﻩ ﻓﻲ ﻓﺮﺩﻭﺳك
اللهم انه بجوارك أبدله بدارفي الجنه واجعله من السعداء في جنتك يارب العالمين
أنت تقرأ
صديقات على مر الزمن
Chick-Litصديقاتي ثمة حكاية لم يرويها لكن قلبي دمتن لي عمرا يا اجمل صدفة ويا احلى قدر حنين حاتم
