#حنين_حاتم
#صديقات_على_مر_الزم.......بارت29
صديقات_رغم_المحن💔
زمن: ومشة قطار العمر بية وحطني بمحطة ماجنت متوقعة يجي يوم وانحط بيهة
واجة اليوم الي لتقو بي مصطفى ومهيمن
جان يوم جمعة
هاذ اليوم الي متعودة اجي بي لبيت اهلي
جنت شاكة بروحي حامل وتانيت الجمعة تجي حتة اخذ امي واروح للدكتورة
اجة علية اخوية ورحت عصرية لكيت امي مبدلة ومتانيتني
ورحت وحللت وفعلا طلعت حامل
حييل ضجت وتكدرت لان بنتي جانت زغيرة مومال احبل فوكاهة واني اولد عملية وولادتي صعبة
رجعت للبيت وبلطريق احجي وية روحي واكول اذب لطفل ماطول بعدة توة شهر
وافكر شلون انزلة وبياطريقة
لان ماكدر اكول لامي تطيح حضي
وكفت لسيارة ونزلت واني افتح عيوني على منضر جان كفيل ان يثبتني بمكاني من غير حركة
مصطفى ومهيمن واكفين بباب بيت اهلي ويحجون
لشتي كلهة ترجف
شجابة هنا
شعرفة بمهيمن
شجاي يحجيلة عني
شجاي يكلة
فزيت على صوت منار وهية تصيح بابا وتأشر علي ندارو ثنينهم بناحيتنة
امي تحاجيني
يلله ماما بتج كتلهة لبرد
مهيمن عينة علينة
ومصطفى يباوعلي ويدنك لويندار
طبينة للبيت وهمة برة
تأخرو واني كلبي وية كل دقيقة يتعبني اكثر ويرجعني لذيج الايام
ويعيشني لحضات الفراك بتفاصيلهة
وكأن مامقسوملي انسا
بصدفة وحدة يرجع كلشي وترجع ذيج الغصة وارجع من جديد اعيشهة
ارجع اتوجع ويرجع لندم ياكل بية علي
واكفة يم امي بلمطبخ الهي بروحي
وطب مهيمن
كعدو هوة وابوي واخوية يسولفون
واني عيني علة كل تفصيلة بي ملامحة ردود افعالة بلكي افهم شوكف مصطفى يمة
حاولت انفرد بي بس ماكدرت
معقولة مصطفى حجالة
صبينة لعشة وسوالف وجانت لعبة ريال وبرشلونة طالعة
وهمة كلسا يكمزون ويصيحون ويفززوني
من صفنة تاخذني لغير عالم
واصحة على واقعي وارجع اتكدر اكثر
الى ان خلصت العبة اني ماكلتلي الف هبطة
رأسا كتلة خلينة نرجع للبيت
مع انو بلعادة ابات وثاني يوم لعصر ارجع
كلي ليش
تحججت بلحمل كتلة تعبانة ودايخة
لطريق كلة اريد اسألة بس ماكدرت
وصلنة للبيت نيمت منار وكعدت يمة جان ديكلب بمبايلة
كوة ححيت وكتلة هاذة الولد الجان واكف يمك شنو راد منك
ندار علية بنضرات تستنكر ردي
اها ليش يعني متعرفينة منو
هنا مابقت بية قطرة دم
واخاف احجي شي والوصهة بلزايد
من بعد صفنة طولت دقايق
كتلة
اي اي اعرفة بيتهم ورانة بنهاية الفرع
بس هيج
اي بس ليش شكلك
كعد يقصقص ويححي ويكول جنتو اصدقاء طفولة ورابين سوة وتلعبون بلشارع ويمدح بأخلاقج
بلعت ريكي
و بس !!
اي بس ليش اكو شي ثاني
لا اكيد
وصفنت مستغربة من كلام مصطفى
واحنة اصلا من كعدنة ببيتنة جان عمري 13 سنة يعني ماشوف لشارع ولااطلع العب
أنت تقرأ
صديقات على مر الزمن
Chick-Litصديقاتي ثمة حكاية لم يرويها لكن قلبي دمتن لي عمرا يا اجمل صدفة ويا احلى قدر حنين حاتم
