#حنين_حاتم
#لااحلل_الأقنباس_من_دون_ذكر_اسمي
#بيج_قصص_عراقية_من_واقعنا
#صديقات_على_مر_الزمن#بارت3
المكان حي العامل
الزمان 2002
واكفة مكتفة ادية واباوع
ماما وبابا يتعاركون والسبب اكيد عماتي
اغلب مشاكلنة بسببهن رغم امي فقيرة حييل ومتدخل بشي جافية خيرهة شرهة وتريد تعيش
مع ذلك ماخلصانة من المشاكل
المشكلة جان سببهة دلال ابوي النة
يكلولة ليش مدلل جهالك هيج باجر عكبة الكل يتزوج وانتة شتحصل لابحمد ولابشكر
ابوي يسمعلهم حييل ماعرف ليش رغم يحب امي
وامي يحز بنفسهة انو يتدخلون بحياتنة وعلة هلموال احنة يومية
لاسم ذكريات
العمر 17 سنة
لبشرة حنطاوية مايلة للسمار عيوني سود كبار حيل ورموشي كثيفات خشمي قصير ومستدق حلكي وسط
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جسمي مربرب الجزء السفلي من جسمي مليان طولي 158
يعني قصيرة ومربربة هههه
وكحة لساني طويل ماعرف اسكت عن حقي الي يتجاوز علية او يوجهلي كلام اردة بلمثل ومرات اكثر ماعندي جبير وزغير قاعدتي بلحياة الجبير جبير بأخلاقة والي ميحترمني ماحترمة كائن من يكون
من دخلت المتوسطة تعرفت علة ارذء بنات المدرسة يمكن خبال مني اووتمرد أو محاولة اثبات الذات ويجوز مرحلة المراهقة فرضت علية هلشي
علاقتي ببنات عمامي زينة رغم اكره اهل ابوي عائلتي تتكون من 5 بنات و2 ولد وامي وابوي اني جبيرة البنات وحسين اخوي جبير الولد
اول مانجحت للمتوسطة المدرسات اخذو علية نضرة انو اني مهملة ماحضر واغلب الاوقات اشرد من لدرس واروح اسخت بلساحة واخلي كحلة دائما واني عيوني كبار تبرز حيل
المدرسات على الأطلاق يكرهوني واغلبهن شادات وياي بلذات ست لميس اني وياهة شرايج مثل الحية والبطنج
تعرفت علة بنية جانت حديث المدرسة وكحة حييل واقوة واجرء مني وجانت عليهة سمعة يبوووو اشكال الحجي يطلع عليهة
ضليت اتقرب منهة اريد اكون مثلهة مميزة ولكل يحترمهة مو لشي بس خوفا منهة
بدة مشوارنة سوة
.................................
رجعت من الدوام شمرت الجنطة بلمطبخ ولعباية بلصالة لحد ماوصلت للغرفة ملابسي كل واحد شمرتة بصفحة وامي تلم وراي وتصيح ولج زمن شوكت تكبرين
أنت تقرأ
صديقات على مر الزمن
أدب نسائيصديقاتي ثمة حكاية لم يرويها لكن قلبي دمتن لي عمرا يا اجمل صدفة ويا احلى قدر حنين حاتم
