صديقات على مر الزمن

بارت11

#حنين_حاتم

#صديقات_على_مر_الزمن

#صديقات_رغم_المحن💔...بارت11

مسائكم سكر 😊

يسر: باوع منا ومنا مالكة شي يضربنة بي راح شلع واير مال بنكة ارضية واحنة كلنة بحضن امي ونتضارخ
الواير رفيع بس يلسع ليكول نار وتنزل علة جسامنة
نتصارخ ونتباجة غرفتنة صايرة علة مطبخ الجيران اللي ضالين داخلين انذار من ورانه خطيه دائماا همة ينقذونه من بدين ادي نصيح بعلات صوتنه وهوة بدون كل رحمة يدك علينه بلواير ويكل لأمي تبوكين مني مووو
حاطلي حرامية بلبيت ناهبتني نهيبة بت الكلب
تبوكين وتودين لأهلج مووووو

امي خطية صوتهة كوة يطلع كلتلة انتة ماتنطينة مصرف واني مماخذتهن لنفسي ماخذتهن مصرف لأطفالك وهية كلهة 5 الاف شماخذة منك

جذااااااااااابة ولج الي تبوك الخمسة تبوك عشرة ومليون يضرب بينة كل قوتة ويصيح
  نصيح يزيد ضرب نسكت هم يزيد وصوتة يعلة بلفشار والغلط
طلع برة  راح  يريد يجيب نفط يحركنه بي
اخوويه جان عمرة 12 سنة واختي 11 واني 9 بس بلجنسية مكتوب 11
طلع اخوية يركض يريد يروح يصيح واحد من الجيران يستنجد بيهم
لاكاه ابويه بوجهه جان طاب من برة وبيدة كلن مال نفط شاف قيس كدامة
صفكه راشدي بكل قوة ايدة وهوة جان الدوخة لازمتة بسبب فقر الدم
رجع ليوره وضل صافن علي
دقايق ووكع قيس  اغمه علي وانلطخ راسه بلصبة مال الحوش
عاد ابويه ركضله امي ركضت للجيران اجوي يركضون طلعوا اخويه ودوا للمستشفة واحنه امي اخذتنه ورحنه للبيت المشؤوم
بيت جدي
وضلينه كاعدين بالسطح منتظرين الجوارين يجيبون قيس النة
لان  من شافو امي شلون مفرفحة علي وتريد تروح وياهم كلولهة روحي واحنة نجيبة لبيت ابوج
من  بعد الاستقبال الحلووو من مرت الجد ونسوان الخوال امي اخذتنة وصعدنة كبل للسطح
طلع قيس من المستشفى جابة النة جيرانة الي جان معتقد انو امي اهلهة فقرة وشامريهة هلشمرة هاي ومن اجة لبيت جدو وشافة بيت 350 متر طابقين بناء حديث ودخل داخلة وشاف لأثاث والغنا واضح علة كل ركن بلبيت تخبل وجان رجال متدين وعارف ربة دائما جان يساعدنة هوة وزوجتة بلخفاء لان يخافون من ابوي يسويلهم فضايح بلمنطقة

طب وطلب ان يشوف خوالي ومرت جدو وكعد وياهم بلأستقبال حجة وياهم

كللهم بس سؤال انتو شنو ماعدكم خبزة توكلونهة هية واطفالهة
ولكم عمي رجلهة ديجرم بيهة اذا ماخايفين عليهة خافو علة سمعتكم ترضوهة هلمسكينة المستورة  تطلع بوضح لنهار بدون عباية
ولكم اني مجرد جوارين و غيرتي ماسمحتلي وتخبلت من شفتهة انتو شلون تسكتون شلون
عمي خافو الله بيهة ترة هاي دمكم لحمكم ووكعت بيد ضالم مايخاف ربة
ومن طلع كللهم اني ارفع الزحمة واتمنة تنضرون بكلامي وتاخذو بعين لاعتبار واذا ماسويتولهة حل صدكوني اني اشردهة هية وجهالهة لبغداد هناك عندي بستان وبي بيت زغير اخليهة تكعد بي واعتقد هلشي ميهمكم اصلا لان لوسمعتكم تهمهكم ماجان سكتتو علة سوايات رجلهة
عافهم لرجال وطلع وكتهة محد من خوالي رد علي من فشلتهم بس مرة جدو ضلت تعربد وتصيح وتغلط علي من طلع
هنا صعدت الغيرة والحنية عد خوالي وقررو ان يبقونة يمهم بس جان قرارهم كلش قاسي مارحمو دموع امي وتوسلاتهة وكلولهة...............................