#حنين_حاتم
#صديقات_على_مر_الزمن...بارت 40
صديقات رغم المحن 💔
ندكت باب لشارع
صاحت امي اكثر من مرة سمر تعاي فتحي مابية اكوم
كمت والدوخة لازمتني دمي باخر فترة وصل 6 وصرت امشي بصعوبة ولدوخة ماعافتني من يومهة
فتحت لباب ومامصدكة الي جاي اشوفة
ام كميل واختة
سلمن وكتلهن تفضلن
امة طبت واختة ندارت ومدت راسهة من لباب
واسمعهة تحجي
روح يم جهالي خاف يطلعون علما تحل رونق
فز كلبي واني اسمعة يكللهة
اي انشاء الله بس موتتأخرن علية
اي دروح روح علة شنو مستعجل
ندارت بتسمتلي وطبت للأستقبال امي جانت جوة
ركضت للمراية اباوع علة خلقتي تخزي
وجهي اصفر تكول نفسة
جوة عيوني سواد من السهر وعضام صدري ومتوني بارزات
لبست تراك ردن رياضي طويلة
وخليت شوي مكياج واخذت عصير ورحت
جانن يحجن ومن طبيت سكتن
اني هم خليت العصير وطلعت
اقل لساعة وطلعن
ركضت علة امي جانت دتسد لباب وراهن
كتلهة يمة شيردن جايات
ندارت علية وتهز بيدهة
يردن يخطبنج لكميل عيني
طبيت لغرتي ابجي واضحك
مافرحانة بلخطوبة بكد مافرحانة لان طلع عايش ومابي شي
ماطلعت من الغرفة وكلسا اخذلي صفنة ابجي من الفرح
الى ان اجتني امي للغرفة كلتلي ايمن يريدج
تغيرت ملامح وجهي ولفرحة تنغصت
رحت وراهة
جان كاعد يدخن ويباوع تلفزيون
طبيت كعدت كبالة
رغم الخوف الي بداخلي بس وكتهة جانت بداخلي قوة تكفي تخليني اكلب الدنية ولا اقبل يرفضون كميل
حسيت نفسي قويت بحبة
والي سوا كميل علمودي وتمسكة بية نطاني كل هاي القوة والتحدي لاي شي ممكن يوكف بطريق قسمتنة
رفع راسة وكلي شوفي سمر
ليوم اهل كميل خاطبيج من امي
واني قررت انطيج بس احجيهة الج وحطيهة ترجية بأذنج هاذ البيت متجي زعلانة
وديري بالج بيوم تفكرين بفصخ خطوبة لو طلاك
عسما يعيشج بجهنم مالنة شغل هاذة اختيارج انتي
وانتي الي مسؤلة عنة
ولابيوم تجين تشكين لامن عندة ولا من اهلة
يحجي واني اهز براسي
اي اي
اي انشاء الله
روحي يلله
كمت طبيت للغرفة تلفوني جان يدك
ركضت شلتة ونتضرت احد يحجي
الو سمورة
كميل هاذ انتة
اي يعافيتي وكل ناسي
شلونج حبيبة
هسة صرت زينة والله
اي يكولون ضعفانة وصايرة تخوفين ليش حبيبي
عوفك مني وحجيلي عنك
وين ختفيت وشصار وياك بيوم جنت تحاجيني
اووووو
هاي لاشيء كدام الموت الي جنت اشوفة بعيوني يومية
أنت تقرأ
صديقات على مر الزمن
ChickLitصديقاتي ثمة حكاية لم يرويها لكن قلبي دمتن لي عمرا يا اجمل صدفة ويا احلى قدر حنين حاتم
