صديقات على مر الزمن

26

#حنين_حاتم
#صديقات_على_مر_الزمن.........بارت26
صديقات رغم المحن 💔

زمن:  بقيت 3 ايام ابجي
وهوة طاب طالع يحجي علية ويلومني على معرفتي بيهم وكلسا يحجي شغلة من الحجي الي شافة بلكروب ويعيرني هيج تحجن وهيج تكولن
وانتي شيصير تركضين تحجيلهن وهنة يكعدن يتفلسفن ويدفعن بيج
واني متأكد هنة سبب اغلب مشاكلنة

الى ان خلاني نفجرت

دكافي
عوفهن لخاطر محمد اصلا لوماهنة اني ماحان قبلت بيك ذني الهن عليك فضل بكد شعر راسك

يعني شنو

سكنت وجريت بوش وعيت علة نفسي

احجي شتقصدين من هاذ حجيج

ماقصد شي

لا تقصدين وانتي متحبيني ادري بيج موعبالج ماحاس شكد متطيقيني
وشكد تكيفين من ترحين لاهلج بس حتة تخلصين مني
ولا عبالج ماملاحض دموعج الي ينزلن على اي غنية تطلع
وبجيج بنصاص اليالي
نايم علة مخدتي واسمعج تونين
ايا كان الي بداخلج وايا كان الي ضامتة علية
انتي متستاهلين حبي ولاتستاهلين كلشي قدمتة الج

ومن يومهة مهيمن تغير وياي صار بعيد عني حييل
ومنججي بس علة كد الحاجة
وعمتي سوالفهة متخلص
اذا ردنة نطلع تكلب لخلقة وتضل يوم كامل متحجي وياي
واذا رحت لاهلي تقوم لقيامة علة راسي
نقمة مو زواج محد رحمني
خسرت كلشي جان حلو
وكل مااصفن تجي كدام عيني امي ودلالهة وشكد جنت اعذبهة
واي شي يسوي بية مهيمن اكول استاهل اني هيج جنت  اسوي بامي
وبطني كبرت وتغيرت
بديت اسمن ومالي خلك كلشي حتة لنفس كوة اجرة
وبيوم جنت نايمة ساعة 11 لصبح احس باب غرفتي تفلشت
كمت فتحت لباب عمتي متخوصرة جنهة جني
هية سمررة حيييل ومعاني وجهة تخوف شلون لسحارات الي يطلعن بأفلام الكارتون

افرك بعيوني واباوعلهة تعبانة حيييل وبليل مااكدر انام اختنك كلش نومتي تصير وكت لفجرية عاطت بوجهي

اي عيني زمن لشوكت تبقين نايمة متشبعين نوم انتي
موذنيج نسوان حموينج من ال8 جانن يكعدن

عمة انتي عليج لغدة بعد اني شعندي كاعدة من لصبح
لبيت نضيف من اليل نضفتة قبل مانام

واني ليوم مريضة مابية اطبخ 

باوعت عليهة اني لمريضة مو هية

كتلهة هسة جاية وراج
غسلت وجهي وسويت مركة بيتنجان وتمن
ب12 ونص قبقت لكدورة وطبيت لغرفتي اعزلهة

قريب ل2 اجة مهيمن اسمعة من لباب يصيح

طب علية
شيسمونهة عود للضهاري تنامين امج وابوج اذا درو يرضون بهاذ الوضع حاجينيى

مهيمن ترة اليل مانايمتة اني
انتة غافي شمدريك
اني لهوة كوة اتنفسة وللفجر يلله نمت وبعدين ببيش ضارتكم واذا نمت اني منقصرة بشي