#حنين_حاتم
#صديقات_على_مر_الزمن
#صديقات_رغم_المحن💔
اسراء: الى ان جنت اسولف وية لبنات ونحل اسألة العربي بيومهة جان عدنة امتحان اجتني نور صاحتني علة جهة كلتلي اسراء خابرني علاء ويسأل عنج يكول ليش متخابر تسأل
اي وشكتيلة
كتلة ماادري
شنو ماادري نور يعني متدرين مشغولة بلأمتخانات وجاي احال ارفع درجات لفصل لاول
شمدريني اني بعد كتلة ماادري يجوز هية متريد تحجي وياك
ضليت صافنة علة نور
كتلهة انتي ليش هيج تجفصين
زعلت رأسا وعافتني وراحت رحت وراهة صحتهة متندارلي مستمرة تمشي
وصلت يمهة لزمتهة من جتفهة
نور شبيج ماكلت شي يستوجب لزعل من شوكت تزعلين مني من هيج كلمة
لا مازعلت خلص
تعاي لعد يلله احجيلي بعد شكال
اخذتهة ورحنة كعدنة علة مكان شوية يصير عالي براك المدرسة مثل الصبة
كلتلي سأل عنج وبس
ها
اي
خوش لعد تعاي خل نحل ااسألة وية لبنات
اخذتهة ورحنة
واكفين جاي نسولف ونشاقة لبنات كل وحدة تحجي شغلة ونسولف علة بنية ويانة تزوجت
جان هية شاركت بلحديث
كلتلهم هاي مثل واحد تزوج وبيوم عرسة ماتت لعروس وتخبل وطلع بلشارع يبجي ويصرخ
اجو لناس لتمو علي يكلولة شبيك يكللهم مالحكت اطلع فلوسي
ماتت واني مامطلع فلوسي ويبجي من كل عقلة
ضحكو لبنات كلهم
واني احس مثل اللسهم ونبت بنص صدري
هاي لسالفة اني سامعتهة نصاااا من حلك علاء ولشخص هاذة يصير اقاربة وبيوم لعرس جنة نحجي وخابرلة الولد كلة نريد تدبرلنة سيارة علمود نروح ندفنهة
نور شعرفهة بهاي القصة
غالطت روحي وكلت يمكن سامتعهة من احد او يجوز غير شخص هاذ الدتحجي عنة
لهناك وسألتني
اكلج اسراء هوة علاء مواليد 86 مووو
صفنت عليهة
ليش تسألين علي
لا هيج شبيج كلشي وتكولين ليش
لامابية شي
عفتهة ورحت للمغاسل غسلت وجهي ودنكت راسي جوة المغسلة غسلت شعري
احس نار تطلع من راسي
ومرة لايام واني باذلة جهد بلدراسة وشادة حيلي لان درجاتي بلفصل لاول زفت وعندي درسين طلعت بيهن كمال
تقريبا رفعت كل درجاتي وعدلتهن واجتنة فترة شوية مابيهة امتحانات رتاحينة
وفكرت اروح يم نور واخابر علاء من عدهة
ورحت شوي مستحية بس تشجعت
طببتني وسولفنة
كلسا اريد اكللهة علمبايل وتفتح سالفة وتنسيني لحد ماشفت لوكت مشة وصارت مغرب
قاطعت حجيهة رغم جانت مندمجة
كتلهة نور تلفونج بي رصيد اريد اخابر علاء
أنت تقرأ
صديقات على مر الزمن
ChickLitصديقاتي ثمة حكاية لم يرويها لكن قلبي دمتن لي عمرا يا اجمل صدفة ويا احلى قدر حنين حاتم
