#حنين_حاتم
#صديقات_على_مر_الزمن...بارت35
صديقات رغم المحن 💔
امة جانت تتفحص كل تفصيلة بية وبأمي وببيتنة
بس ماهمني شي فرحتي جانت اكبر من كلشي
عفتهن وطلعت
بيومهة خطبوني الة رسميا
من راحو صاحتني امي وكلتلي
منو ذولة ومنين يعرفونة
كتلهة اقارب صديقتي سمر من بعيد
وكعدت تستفسر مني عنهم وعن قرابتهم لسمر
بس شكلهة جان واضح شكد متضايقة من كبرياء ام ريان وعجرفتهة
الي جانت واضح انهة جانت مغصوبة علجية
سألتني شنو رأيج
عبالهة راح استحي وادنك واعيش الدور
كتلهة يمة ذولة حسب كلام سمر لكطة ميتعوضون ميحتاج تفكير نطي خبر للولد خل يسألون عنهم
باوعتلي صفح وتخوصرت
ولج سريوة مامرتاحتلج خاف عدج شي ويا
حطيت ادية علة حنجي وعصرت وجهي
يمة هاي خلقة يتباوع بيهة
اصلا الله وكيلج هوة بس يشوفني راح يبطل
سنتين بلمعهد اريد جلب يصارحني ماكو
صديقاتي من واحد لواحد يكبلن ويومية مصارحيهن واني اخت الكل
نفسي احب نفسي اتحب
ضحكت وصدكت بية
كالت انشاء الله خير اكل لخوانج ونشوف اذا خوش ناس شكو بيهة
وفعلا كلت لخواني
ماكالو شي اخذو عنوانهم من عدهة وكلولهة نسأل ونشوف
يوم ثاني بليل صاحني احمد
طبيت خجلانة ومايعة من الفشلة
كعدت كبالة وادورلي صفحة اصفن بيهة واضيع عيوني منة
كالي اسراء
انتي كبرتي وتخرجتي والبنية وان طالت مدة مكوثهة عد اهلهة بلنهاية بيتهة ومستقرهة يم رجلهة
هاذ الولد الي حسب كلامج معارف صديقتج
سألت عنة
حسيتة من كال حسب كلامج كأن ديوضحلي انو هوة يعرف عندي سابق معرفة بي بس مغلس بأرادتة
تنهد وكمل
سألت عنة ولكل مدح بي ماخليت بيت بفرعهم ماسألت والكل تحلف بأخلاقة ومن كد ماطيب ومؤدب يصيحولة السيد بمنطقتهم
احسن من هيج قسمة ماتصور نلكة
من غير انو لولد صااك يخبل
ضحك ويغمزلي
ابو سميرة خوش والله ولكيتيلج واحد صاك
تخيلتج راح تحمضين علة كلبنة وشايلج هم يبعد اخوج
ضحكت وكتلة ليش موبعينك انوثتي
اي بذني شواربج الخضر
احمد عوفهن ضامتهن للعرس احفهن
ضحك وهوة يكلي
بس اريد الله يسامحني ويطلعني من خطية هلولد
الي مادري شلون راح يكضي حياة سودة مصخمة وياج
احمد معليك انتة
هية شغلة ايام وتلكا بلشماعية هوة واهلة
ضحكنة ثنيناتنة
بيومهة شفت فرحة بعيون اخوتي ماشايفتهة من سنين
فرحانين بي حلو ومؤدب وحالتة لاجتماعية فوق المتوسطة
بس اني كلبي لاجمني من اهلة وشلون قنعو ماادري
وياخوفي يكونون ضاميلي ايام سودة
أنت تقرأ
صديقات على مر الزمن
ChickLitصديقاتي ثمة حكاية لم يرويها لكن قلبي دمتن لي عمرا يا اجمل صدفة ويا احلى قدر حنين حاتم
