#حنين_حاتم
#صديقات_على_مر_الزمن...بارت35
صديقات رغم المحن 💔
جان يبجي ويبوس براسي
الى ان طلعونة ودونة لصالة العمليات عين علي وعين علة امي الي ماتت من البجي
خايفة علي اكثر من روحي
وسولنة العملية وورة فترة فكني البنج
اول مافتحت عيني سألت عنة
كالولي كلشي مابي بس بلعناية المركزة
علما يستقر وضعة يلله يطلعو
جان عندي اوجاع بمكان الخياط وشوية حركتي صعبة
بس علمهدئات احسن
لليل طلعو من العناية
ورحت علي لغرفتة جان صاحي ويون من الألم
تقربت يمة كوة كعدت ولزمت ادي بستهن
يباوعلي ويبجي
ليش هيجي سويتي ولج ليش
ماجان يدري اني المتبرع بلكلية
لحد قبل ماادخل للعملية يلله عرف وماجان بي يحجي اصلا
بتسمت وحركتلة جتافي
شلون ماسوي هيجي وانتة كل دنيتي
تريدني اشوفك تذبل وتروح من ادية
باس راسي وهوة يكلي
يازين ماختار كلبي
يروحلج فدوة ريان وكلشي بي
وعدت فترة ريان صار احسن ويوم عن يوم تتحسن حالتة الاثار والورم الي بوجهة بدة يخف وايدة طابت
وعدة شهرين علحادث وريان تشافة تماما ورجع مثل اول واحسن
ورجعنة نروح للجامعة سوة بين فترة وفترة
ورحنة سفرة سوة لبابل
كلنة اني ولارا ورامي وسمر وريان
تونسنة حييل وهاذة اليوم ماانسا ابد
ومن التواريخ المهمة كلش بحياتي
الطريق كلة الولد عالكين اغاني ويركصون بلمنشئة واحنة نصور بيهم
نزلنة واول مانزلنة كالو جعنة نريد اكل وطلعنة كدورتنة وكعدنة بحديقة اكلنة وريان ورامي صارو ممالخ علدولمة مال لارا
كملنة اكل ولمينة لسفرة احنة البنات
ورحنة لاثار بابل
تصورنة هناك هواية وبيومهة ريان سوالي مفاجئة تخبل
حان جايب حلقات ولبسناهن والولد شغلولنة اغاني وكعدو يركصون
جانو جايبين وياهم ديجي علشحن السفرة بلنسبة الهم ركص وبس
وتونسنة حيييل
جان يوم من عمري ولليوم تفاصيلة ببالي
جنة بين فترة وفترة نطلع مطعم كلنة
اكل وسوالف ومرات نروح مولات نفتر ونشتري
ايام عشتهة بفرح وونسة وتحدد عقدنة بعد اربعين عمة بفترة
بس بهاي الفترة بدة تطلع مضاعافات عندة
يوم يصخن ويحتارون الدكاترة بي ويوم يدوخ ويوكع
وبدة يصير عندة وجع بكليتة
الي نقلوهة الة مني
سوولة تحاليل شاملة وكالو جسمة ممستقبل الكلية ولهاذ السبب دتصير عندة مضاعافات
ورجعنة دخلنا مستشفى
أنت تقرأ
صديقات على مر الزمن
ChickLitصديقاتي ثمة حكاية لم يرويها لكن قلبي دمتن لي عمرا يا اجمل صدفة ويا احلى قدر حنين حاتم
