#حنين_حاتم
#صديقات_على_مر_الزمن
صديقات رغم المحن💔
زمن: رجعت للبيت لزمت تلفوني اريد ادك علبنات اكللهم
لكيت مراسلة من شخص غريب فتحت المحادثة واشوف دازين صورة بس لصورة بعدهة دتحمل
دقايق ونفتحت لصورة واشوف
ورقة طلاك مصطفة وتمارة
اقرة بيهة وادية يرجفن ولدموع خركن الورقة
منطيهة الحاضر ولغايب وكوول حقوقهة
واني اباوع علورقة اجتني رسالة مكتوب
كتلج اطلكهة واني رجال وعد كلمتي
كتلج بس رايد صبرج كلشي ماطلبت منج
حلوة هسة هيج خليتيني لا اني بسمة ولا اني بكاع
رأسا دكيت علي
مصطفى
احجي ويا واشهك
ليش هيجي سويت ليش
ولك اني ضحيت بسعادتي وراحتي بس حتة زواجكم يتم ويستمر
اني تحملت الويل ودست على كلبي بس حتة ماشيل خطيتهة
ليش هيج سويت حاجيني ليييييش
لخاطر لكعبة زمن لاتغبين بروحج
تكليلي ليش وانتي تدرين بكلبي ماهوة غيرج
ولج تدرين من اخذج من لقاعة وين جنت وشنو حالي
اشرب عرك لساعة ب3 لفجر
من وراج اني عصيت ربي ورجعوني جماعتي للبيت سحل ولجوارين كلها درت بمصطفى شارب
اني تالي عمري اجي للبيت اتطوطح
ولج بعمري مامسويهة بس من وراج سويتهة
اااااااااااخ يازمن اخ لوتوكعين بأيدي
ضيعتي روحج وضيعتيني
لا اني لحضيت بيج ولا اني لحضيت بروحي
خسرتيني اهلي سمعتي وضيفتي بلمصنع خسرتهة روحي ضيعتيهة وخليتيني مثل المخبل لا اعرف شريد ولاعرف اداوي روحي
مصطفى
روحي زمن روحي لاتحجين ولا اريد اسمع كلشي منج
بس حطيهة بذانج
اني رجال وعلة وعدي ماتزوج غيرج مو لسواد عيونج لا انتي بعتي وماتستاهلين
بس ااااااااخ الله اااااااااخ
ولج كلبي مايرضة بغيرج ولا يقنع
اذا موكد لحب ليش هيج ورطتي كلبي وياج ولج ليش
ولج رجال طول وعرض ابجي علة صوتج
ااااااااااخ لو بس توكعين بدية
بعدة يحاجيني مدري منو صاح علي
مجرد ان سد لخط حضرني
فرحتي ماتمت بيومهة بجيت بجي ماصاير
بعد كل الصار شكد تأذيت وشكد دست على كلبي وكلشي بية
بس حتة لااهجم بيتة تالي هوة بكلب بارد نهة كلشي
ضليت فترة اني مواني
بس اتعارك وية مهيمن وكلما يحاجيني اكلة اذا ميعجبك طلكني
روحي لايبة وماعرف شريد
خسرت كلشي
مصطفى دراستي راحتي ببيت اهلي الي من يوم طلعت منهم نسيتهة
راح الدلال راحت الراحة الي ماعاشتهة بنية مثل ماني عشتهة
عمتي اذتني حييل اذتني
ولاذاني اكثر هوة مهيمن الي جان ميقبل افتح حلكي وااحاجيهة لو شماتسوي بية
تكعدني من الصبح واني جنت عد اهلي اكعد قبل الدوام بنص ساعة
وعلة اي شي تعلق وبكلشي تدخل حتة بلبسي
من غير عمي وعقليتة وخبالاتة تعبت حيييل وتمنيت لو باقية عد اهلي ولا هلقرار الي خرب حياتي وماجان بي اي نفع بكل لاحوال تمارة تطلكت
لغلط كلة جان من مصطفى
من جان خاطب وماكلي هاذي جانت اول غلطة وجان المفروض منهة وانسحب بس ااااخ من كلبي وعنادة
وعدت ايام وليالي مصطفى ماغاب عن بالي ووضعي نفسة
مهيمن صح يحبني بس عندة امة مقدسة لوشماتسوي بية ماينصفني ابد ودائما هية علة حق
الي جان يصبرني بنتي الي من بداية شهر الرابع بين جنسهة وجانت حركة حييل
عبالك سمجة وتلبط ببطني
احسهة تواسيني وتصبرني
ومصطفى جنت اروح لاهلي بس ابد ماشوفة ورة فترة عرفت من اخوية حسين
ابو طاردة من يوم مطلك البنية وكاعد يم صديقة ويشتغل عمالة ويطلع مصرفة
متت قهر علي مصطفى ابن خير ومعود علصرف والبس والطلعة
اووووف شوازاك يامصطفى متكلي
أنت تقرأ
صديقات على مر الزمن
ChickLitصديقاتي ثمة حكاية لم يرويها لكن قلبي دمتن لي عمرا يا اجمل صدفة ويا احلى قدر حنين حاتم
