#حنين_حاتم
#صديقات_على_مر_الزمن
#صديقات_رغم_المحن💔...بارت10
من بين زحمة افكاري اجاني صوتة
زمن اني خاطب وبعد شهر لعرسي بس والله ماحبهة ولا الي نفس بيهة ولاعمري حبيتهة صارلنة 5 اشهر مخطوبين ماشفتهة غير بيوم لعقد وحتة شكلهة نسيتة
ابوهة دخل شريك وية ابوية قبل فترة وكبرو لمعمل و زاد الوارد
ابوي فرحان بشغلهم وصداقتهم كام وخطبلي بنتة بدون علمي البنية عمرهة 14 سنة حتة جسمهة ماناضج حجيت ردت عترضت كلي مااكدر ارجع بحجايتي وية الرجال وهوة افضالة مغركتني
كربصهة براسي تكربص ابد ماجنت راضي علة خطوبتي منهة بس تدرين احنة تربات عشاير وابوي شيخ عشيرتنة ماتعودنة نكسر كلمتة ابد موخوف لا ابد بس احترام
عدنة ابوي مقدس وكلمتة ماتنزل علأرض
عقدولهة علية وجنت مقرر ورة لخطوبة اكلة بوية ماريدهة ماعجبتني وانهي كلشي
واجت من جانبي اهلهة من نوع معقدين عقليتهم مال اول ماعدهم نسيب يجي يشوف خطيبتة ولاعدهم سالفة تلفون خلصت من هلفقرة لان جنت مااطيقهة للبينية نهائيا
بمرور الوقت صرت اقنع نفسي بيهة
ومن شفتهة طفلة ستخطيتهة ماردت اكسرهة
تعايشت طبيعي وتقبلتهة وتقبلت لوضع حالي حال اي شاب يتزوج زواج تقليدي
لحد ليوم الي خابرتيني بي
ماراح ابيع براسج مثاليات اني فعلا جنت ناوي اضحك عليج ولتلوميني بنية تتصل ساعة 3 ونص بليل وتكول غلطانة تتوقعين ولد يصدك هيج شي
شفتج صيدة زينة وحسيتج كمش من اول مكالمة سولفتي وياي ونفتحتي
ومن كلتيلي من بغداد كلت اجت برجليهة والله جابهة اكيد بت بغداد وفري مومثل بنات كربلاء يبيعن ثكل براسي
بس الي صار والي شفتة عكس الي ضنيتة بيج
شفت بيج بنية بريئة الى حد الثول
صلاتج بأوقاتهة وكلشي بيج واضح ترة لشريفة تبين من نبرة صوتهة وضحكتهة
وكتهة صفنت وسألت نفسي اني وياج وين رايحين واني خاطب ماردت ادخل بخطيتج وقررت اعوفج
حاولت وحاولت وكل يوم جنت اريد اكلج خل نتعاوف بس مامرة كدرت
وكتهة تأكدت اني حبيتج
لكيت بيج حب لعمر الي جنت احلم اعيشة واضوك لوعتة تعلقت بيج هوااااااي جنت احسج امي
هيج شي مقدس بلنسبة الي
وكعدت وية روحي كعدة طويلة
مو اني الي يضحك على وحدة شريفة بأسم الحب
ماجذب عليج يمكن لوشايف منج شي يضهرلي انج موزينة
ولو شي واحد
جان وكتهة ضحكت عليج ويجوز حتة توصل علاقتنة فراش بس مو اني الي ادنس بنية شريفة وثقت بية ونطتني كلبهة
ونهاية تفكيري الي دام اشهر قررت اتزوج البنية وماتقربلهة وورة شهرين تلاثة اكللهم اني مااكدر اتقربلهة وعندي عجز جنسي واوديهة البيت اهلهة وانطيهة حاضرهة وغايبهة لان هواااي حاولت اعوفهة بس ماجان عندي اي حجة
وشنو حجتي واني ماحاجي وياهة ولاشايفهة وابوي ماتمشي عدة سوالف الحب والغراميات انسان جدي وعندة حياة الرجال شغل والتزامات وواجبات وبس
وكلت اطلك البنية ووراهة اعترفلج بكلشي واجي اخطبج واني الممنون
حجيتلج كلشي والله يشهد ماجذبت عليج اعرف مصدومة بية وعاذرج والله واني لو ادري بيج بت سيد محمد واخت سيد حسين لا والله ماتقرب حدج ابد
ناس طيبين ومافد يوم شفت بناتكم ونعم التربية والاخلاق واخوج صديقي وخويي يعني خاف قبل جان الي نية اعوفج ولو بنسبة واحد بلمية هسة لا
مو اني الي يسوي هيج ببنت منطقتة وعرضة
أنت تقرأ
صديقات على مر الزمن
Genç Kız Edebiyatıصديقاتي ثمة حكاية لم يرويها لكن قلبي دمتن لي عمرا يا اجمل صدفة ويا احلى قدر حنين حاتم
