صديقات على مر الزمن

بارت38

#حنين_حاتم
#صديقات_على_مر_الزمن...بارت 38
صديقات رغم المحن 💔

دنك يم راسي يبوسة ويهمس تردين تحرميني من شوفة وجهج
ولج اني سنين اصبر بروحي واكول كلشي لجل سمورة يهون
يمن كون نحبست العمر كلة ولاشفت دموعج
ولج عشك صباي انتي سمورة

رفعت راسي من حضنة وابجي واضحك
جنت علة استعداد تام اشمر روحي من لسيارة وماخفت ابد
فوك حمل الذنب الي اكل من سنيني هواي
هدور اشوف لرفض من عندة
اشوف عيونة ترفضني بحياتة وهوة يكلي ان جان نطيتج وعد بيوم
فأني مورجال وموكد كلمتي

اعاين علي وارجع اندار ابجي واضحك من الفرح وهوة عين علطريق وعين علية ويبتسم
بطريقة خلتني ماحطيت عيني بعينة
ستوني بديت اشوف ملامح وجهة عدل
مسمر حيييل كأن بشرتة مصبوغة
شعرة بي خصل شيب هواي
واكو اثر شك بركبتة
جرح جبير وملتئم بس باقي اثر كلش قوي
جان هاذة اكثر شي لفت انتباهي علي
ماحجيت كلمة طول الطريق
يكفي ان عرفت انو هوة سامحني
هاي كلش تكفيني

عيني علطريق مادري شوكت وكفت لسيارة ونزلني بعيد عن بابنة

مشيت مسافة وهوة واكف حسيتة صاح اسمي
نداريت ردت ارجع

كلي ديري بالج علة نفسج فدوة سمورة

انشاء الله وانتة هم

طبيت للبيت بجيت من الفرح
وشكرت الله علصدفات الحلوة
جان يجي باوقات اكون كلش محتاجتلة
كأن رب العالمين يعرف شوكت يجمعنة

وعدة ايام وايام علة هلمرة الي شفتة بيهة
ماجان اكو شي مهم يصير
حياتي عادية كلش
يمكن بلنسبة لغير بنية موعادية
بس كثر المشاكل الي تدور علة نفس لسبب صار شي روتيني جدا بلنسبة الي

الى ان اجة يوم قلب كل الموازين

يوم سبت والدنية مطرت مطر ماصاير
كأن تريد تغسل كلوب البشر من الذنوب وتطهر الكون
ندكت بابنة عصرية
امي جانت نايمة
فتحتهة جانت جوارينة ام امجد
سلمت وكتلهة تفضلي
هية هم ماكالت شي طبت وكعدت تسولف وتسأل
كاالتلي من بعد ماخلصن السوالف وصفنة وحدة بوجه الثانية

امج وين

والله خالة نايمة
لبارحة اليل كلة مانامت من وجع راسهة

خطية الله يساعدهة
والله سمورة اني جايتكم بموضوع خلة وليدي اشهر سهران ويتصفن

بتسمت
امجد شبي ؟

كلتهة بغباء

امجد واكع بحبج يسمورة

كالتهة وخلت ملامح وجهي تتغير
ستحيت حييل ودنكت
وليش هوة وين شايفني حتة يوكع بحبي

تذكرت امجد
مواليدة 92 بكدي وازغر مني بأشهر
شكلة حلو ماقاصر بس شخصيتة طفولية نوعا ما وهواي اسمع اخواني يصنفون علي
ويسولفون علة مواقف تافهة يحط نفسة بيهة
ويصير مضحكة لكل اصدقائة