حنين_حاتم
#صديقات_على_مر_الزمن ...بارت 22
ذكريات : رفعت راسي اباوع ليث كبالي
غرغرن المدوع بعيوني
حيلي كلة باد احس ادية رتخن وكرار نزل من وحدة للكاع
حجي كومة بداخلي
اريد اكلة ليش مادافعت عن حبنة
ليش ماكتلهم اني راضي بيهة وقانع
ليش ماجيت خطبتني غصبا عنهن
مجرد ان حضرت رقمك ستسلمت ونسيتني
بس اني الي تأذيت
بس اني الي بجيت
ايام وليالي تشهد علية غرفتي شكد بجيت عليك واني الوم روحي علة تصرفاتي الي خسرتني كلشي غالي
انتة رحت درست عشت وسافرت
واني تزوجت اي بس مارتاحيت ولا تهنيت
هواي جنت اغلط بأسم علي واكلة ليث
جان يزعل ومرات حتة يضربني
ومن يأذيني ماجنت ارد علي غير بكلمة وحدة
جنت اكلة ياريتك ليث
ياريتني ماعايفة ليث ياريتني باقية لعمر كلة بدون زواج ولا اتزوج بهلطريقة
حتة الكة انسان ينسيني ليث
ينسيني حبة ينسيني شوكي الة
وجعي سهر ليلي
ليش عايش حياتك بدوني و
وعادي
ليش ماسمعت عنك تأذيت
ليش ماسمعت انك وصلت لموت مثل مااني وصلتة
وليش وليش بس ماحجيت شي
لانطقت ولاطلعت كلمة من بين شفافي
كل لسويتة ضليت صافنة بوجهة
بس لنضرات يمكن حجت حجي مال سنين عجزت شفايفي عن انو تبوح بي
هوة واكف ومصدوم حالة حالي
شلت ابني ورجعت للبيت حتة المستشفى مابقيت بيهة
ركبت تكسي ورجعت دكيت على امي اجت اخذت كرار ودخلت بي
ضليت الوب خابرت علي تعاركت ويا رزلتة
كتلة ليش عايفني وانتة تدري اهلك مالهم شغل بية عسما احترك ابنك مريض الة تلث ايام متنك وكوة يجر النفس واني ليلي مانامة عيني علي وعين علساعة
فرغت كل وجعي بي وكتلة هسة تجي واذا ماجيت اعوفلك البيت واهلج
عاف لايفاد ولاجتماع واجة جنت منهارة فرغت قهري بي
علي من بعد لزواج تغير حالة حال كل لزلم
ماكول مقصر وياي
بس راحت ذيج الهفة الي خلتني اطير فرح بي
راح لأهتمام لمفرط وكلشي حلو بعلي راح وبدة كل اهتمامة يتلاشة
صارت حياتنة مملة مثل اي ثنين متزوجين
بس مانكر حبة الي عركاتة وية اهلة علمودي
عدن يومين بالي وفكري كلة يم ليث
هناك روحي عفتهة يمة بلمستشفى
ماعرف شسوي وشلون اتصرف نهاري يكضي صفنات وليلي دموع وجع
الى ان ...........................................
اسراء: طبينة اني وامي اباوع نور ممددة وعلاء كاعد علة كرسي يم راسهة ولازم اديهة ومن لجهة لثانية كاعدين امهة وابوهة
احس رجلين ماعندي اريد اتحرك رجلية ماعانني امشي
امي توهة خطت لباب وتريد تطب عتيتهة من عباتهة كتلهة يمة امشي خل نرجع غير وكت نجيهم
أنت تقرأ
صديقات على مر الزمن
ChickLitصديقاتي ثمة حكاية لم يرويها لكن قلبي دمتن لي عمرا يا اجمل صدفة ويا احلى قدر حنين حاتم
